web counter
LEXO PA REKLAMA!

SHKARKO APP

App Store
Google Play

"Ajola-H", skemë evazioni fiskal apo pastrim parash?

1 Maj 2024, 08:53, Denoncim CNA
"Ajola-H", skemë evazioni fiskal apo pastrim parash?
Kryebashkiaku Erion Veliaj dhe Ajola Xoxa

Dy ditë më parë, kur askush nuk e kishte mendjen te gruaja e Erion Veliajt, kjo e fundit zgjodhi të ndante një lajm për çeljen e një ekspozite të një artisteje.

Me sa duket, me qëllim që të tregonte se gjithçka është në rregull dhe se çifti vazhdon aktivitetet si zakonisht, Ajola me publikimin e vet na nxiti të investigojmë pak mbi aktivitetin si kuratore arti të zonjës së Veliajt.

Në informacionet e nxjerra nga faqja zyrtare e vetë zonjës, deklarohet nga vetë ajo punësimi në 3 galeri arti, galeria e artit “NAAN”, galeria e artit “Harabel” dhe galeria e artit “Gurgur”.

"Ajola-H", skemë evazioni fiskal apo pastrim parash?
Statusi për çeljen e ekspozitës dhe të dhënat në faqen zyrtare të Ajola Xoxës

Të tria galeritë kanë selinë e administrimit në të njëjtën adresë me atë të studios ligjore të Ajola Xoxës.

Pse ka pasur nevojë Ajola që të krijojë 3 galeri, kur kurimin dhe promovimin e artit mund ta bënte edhe me një të vetme?

Të bën përshtypje gjithashtu që në faqet e galerive, Ajola Xoxa rezulton si themeluese e galerive.

Pra, nga njëra anë Ajola është e punësuar dhe nga ana tjeter është themeluese e galerive ku është punësuar!

Deri këtu Ajola do ta justifikojë me vetëpunësimin te galeritë e veta.

Por të paktën nga galeria “Harabel”, zonjës Ajola i kalon në formë qiraje shuma prej 1.000 eurosh në muaj.

Domethënë “Harabeli” i Ajolës i paguan qira Ajolës!

"Ajola-H", skemë evazioni fiskal apo pastrim parash?
Ajola Xoxa dhe Erion Veliaj

Sa dhe nga burojnë të ardhurat e galerive të Ajolës që i paguajnë qira Ajolës?

Çfarë të ardhurash të tjera nxjerr Ajola nga galeritë, ku rezulton themeluese dhe a është forma e qiradhënies një mënyrë për të mos paguar tatime të tjera, që do të duhet të paguheshin nëse shumat do të deklaroheshin si paga?

Tri galeritë e Ajolës po zhvillojnë veprimtarinë në kushtet kur Galeria Kombëtare qëndron e mbyllur dhe për këtë shkak kjo strukturë publike nuk kryen dot veprimtaritë si ekspozimi apo kurimi i veprimtarisë artistike të artistëve të artit pamor.

"Ajola-H", skemë evazioni fiskal apo pastrim parash?

Rastësisht?!

Praktikisht në qytetin e Tiranës Ajola ka pushtet të padiskutueshëm mbi gjithë procedurat dhe fondet e vëna në dispozicion edhe nga pushteti qendror (përkatësisht Ministria e Kulturës).

"Ajola-H", skemë evazioni fiskal apo pastrim parash?

Galeritë e artit kanë rol në përzgjedhjen e artistëve që duhen promovuar. Kujtojmë që për realizimin fizik të veprave, ka fonde të vëna në dispozicion nga pushteti lokal dhe qendror.

"Ajola-H", skemë evazioni fiskal apo pastrim parash?

"Ajola-H", skemë evazioni fiskal apo pastrim parash?

Cili ka qenë ndikimi i “Harabeli”-t të Ajolës në hartimin dhe miratimin e listës së artistëve që duhen promovuar?

Sa janë fondet e lëvruara?

Burime të CNA.al konfirmojnë se flitet për fitime të konsiderueshme sipas skemës:

Artisti i vetofruar – “Harabel”-i i Ajolës - komisioni përzgjedhës - Ministria e Kulturës.

Para pak kohësh u bë edhe një thirrje e “mirëmenaxhuar” nga Ministria e Kulturës me objektiv lëvrimin e fondeve që në fund u “menaxhuan” nga “Harabel”-i i Ajolës.

Dhe të mendosh që gjithë investigimi mori spunto ngaqë Ajola doli e foli në “Facebook”!

Na vjen ndër mend ajo shprehja: "Kur je në m.. deri në fyt, bën mirë mos e hapësh gojën!"/ CNA





Lajmet e fundit nga