web counter
LEXO PA REKLAMA!

SHKARKO APP

App Store
Google Play

Kush janë 10 emrat që u shtuan në manipulimin e dytë të listës së Magjistraturës?

28 Prill 2024, 17:12, Denoncim CNA
Kush janë 10 emrat që u shtuan në manipulimin e dytë të
Foto ilustruese

Pasi pajisja gaboi me 4 pikë (sipas Drejtor Rakipit të Magjistraturës), drejtori dhe krahu i djathtë i tij në Shkollën e Magjistraturës, rregulluan letrat dhe shtuan 42 "fitues". (LEXO KETU)

Por me sa duket nuk dinin se si shtoheshin nga 4 pikë për secilin kandidat, ndaj dy ditë më pas, nxorrën nga xhepat edhe 10 kandidatë të tjerë.

Kështu fituesit brenda 4 ditëve u shtuan nga 97 në 121 dhe në fund në 131.

Pas krahasimit të 3 listave, këta janë 10 emrat e shtuar në raundin e tretë të manipulimit të fituesve të raundit të parë të konkursit të pranimit në Shkollën e Magjistraturës:

1. Evandro Janka

2. Bani Jazxhi

3. Ervis Bajramaj

4. Fatjon Xhafaj

5. Gledis Hajdini

6. Grisela Broci

7. Julinda Prifti

8. Lorida Abazi

9. Matilda Idrizaj

10. Sonila Morina

Nuk dihet sa pikë ka marrë secili prej tyre sepse këtë informacion Shkolla e Magjistraturës e ka fshehur.

Gjithashtu nuk dihet as lista e konkurentëve që sipas shkollës në fillim ishin 442.

Drejtor Rakipi tha që pajisja kishte gabuar me 4 pikë.

Por nuk shpjegoi se si është e mundur që pajisja gabon vetëm 4 pikë dhe se si pas çdo raundi të verifikimeve manuale shtohen një herë 42 dhe herën tjetër 10 të tjerë.

Për të fshehur 10 emrat Drejtor Rakipi ndihmohet nga adjutanti i tij brenda Shkollës së Magjistraturës e që merret me hartimin e tezave dhe mbikqyrjen e procesit.

Drejtori dhe adjutanti shpalljen e listës së fituesve të raundit të parë në versionin e tretë, kanë zgjedhur t'a bëjnë me rend alfabetik.

Kështu 10 "fituesit" e raundit të tretë të manipulimit të fazës së parë, mund të mos kuptohen lehtësisht.

Mbetemi të vëmendshëm për të ndjekur deri në fund fatin e secilit kandidat deri në përfundim të procesit.

Veçanërisht për këta dhjetë të fundit, të cilëve pajisja numëruese duket se u kishte rënë më shumë në qafë. Me siguri me më shumë se 4 pikë!/ CNA

 





Lajmet e fundit nga