web counter
LEXO PA REKLAMA!

SHKARKO APP

App Store
Google Play

E fundit!

x

Veliaj vijon zhvatjen e qytetarëve/ Rrit tarifat vendore, shtrenjtohen edhe kopshtet e çerdhet

25 Prill 2024, 16:42, Denoncim CNA
Veliaj vijon zhvatjen e qytetarëve/ Rrit tarifat vendore, shtrenjtohen edhe
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj po vijon grabitjen e banorëve të kryeqytetit.

Më 28 mars, në të njëjtën ditë kur u arrestuan drejtorët hajdutë të Veliajt, këshilli bashkiak ka rritur çmimet për disa shërbime publike.

CNA ka siguruar vendimin, i cili zbulon se qytetarëve të Tiranës do u duhet të paguajë më shumë për shëbimet në kopshte, çerdhe, apo edhe për ambientet në Parkun e Liqenit Artificial.

Fëmijët që frekuentonin kopshtet në Tiranë kishin tarifë ditore 160 lekë, ndërsa tani prindërit duhet të paguajnë 170 lekë. Pra, tarifa ditore për kopshtet është rritur me 10 lekë.

Ndërsa shërbimi në çerdhe është rritur me 20 lekë. Më parë prindërit duhet të paguanin 130 lekë për të çuar një ditë fëmijën në çerdhe, ndërsa tashmë duhet të paguajnë 150 lekë.

Veliaj vijon zhvatjen e qytetarëve/ Rrit tarifat vendore, shtrenjtohen edhe

Gjithashtu, Bashkia e Tiranës ka vendosur tarifa të larta për fushat sportive në Parkun e Madh të Liqenit Artificial.

Për fushën e tenisit "Perlat Vushtina", në një orë tarifa është 1,000 lekë.

Për fushën e volejbollit, në një orë duhet paguar 1,400 lekë për individ apo grup individësh, ndërsa për subjektet tregtare, klubet apo shoqatat duhet të paguajnë 2,000 lekë.

Veliaj vijon zhvatjen e qytetarëve/ Rrit tarifat vendore, shtrenjtohen edhe
Vendimi për rritjen e tarifave

Për fushën e basketbollit, tarifa për individ ose grup individësh është 1,300 lekë ora, për subjektet tregtare, klubet ose shoqatat 2,000 lekë ora.

Për fushën e futbollit me bar natyral, tarifë për individ apo grup individësh është 2,000 lekë për 90 minuta, ndërsa për subjektet tregtare, klubet apo shoqatat është 2,500 lekë.

Veliaj vijon zhvatjen e qytetarëve/ Rrit tarifat vendore, shtrenjtohen edhe
Vendimi për rritjen e tarifave

Tarifa për përdorimin e Fushës Sportive të Futbollit në Laprakë është 5,000 lekë për 90 minuta për individ apo grup individësh dhe 6,000 lekë për 90 minuta për subjektet tregtare, klubet apo shoqatat.

Gjithashtu, ndryshim të çmimeve Bashkia ka bërë edhe për vizitat në Kopshtin Zoologjik.

Në vendimin e vitit 2019 të këshillit bashkiak tarifa për hyrjen në Kopshtin Zoologjik ka qenë 50 lekë për fëmijët dhe 100 lekë për të rriturit. Ky çmim u rrit pas restaurimit, por kur ka kaluar vetëm një vit nga hapja e tij, çmimi ka ndryshuar sërish.

Veliaj vijon zhvatjen e qytetarëve/ Rrit tarifat vendore, shtrenjtohen edhe
Kopshti Zoologjik

Veliaj, ndonëse drejtorët i janë kapur të zhytur në korrupsion dhe ndodhen në burg, nuk e ndal zhvatjen e qytetarëve, por vazhdon të gërryejë xhepat e banorëve të Tiranës duke rritur tarifat publike./ CNA





Lajmet e fundit nga