Pas skemës "5D" del në dritë edhe skema "AjolaH"?

29 Prill 2024, 20:23, Denoncim CNA

Ajola Xoxa dhe Erioon Veliaj

Ajola Xoxa, sot ka vrapuar të ndajë për portalet që njeh, lajmin e veprimtarisë si kuratore arti.

Ajola Xoxa, bashkëshortja e diplomuar për juridik e Kryebashkiakut Veliaj, sot ka njoftuar si vepër bamirësie çeljen e ekspozitës së piktores Greta Pllana. Ekspozita njoftohet se është hapur në Galerinë Naan.

Pas skemës "5D" del në dritë edhe skema

Por le te shohim pak se çfarë lidhje ka Ajola Xoxa me Galerinë NAAN dhe HARABEL dhe CNA më poshtë po rendit faktet.

Në linkun e faqes së Ajola Xoxës (https://thepartners.al/en/contacts/), gjen adresën e "The Partners Law Firm", Rruga Ibrahim Rugova, nr.5, Sky Tower. Adresa është e njëjtë edhe për Harabelin.

Pas skemës "5D" del në dritë edhe skema

Rastësi?

Nga një vëzhgim i CNA, "Harabeli" i kalon Ajolës nga llogaria në Bankën Kombëtare Tregtare një qira prej 1.000 Euro në muaj.

Në të njëjtën kohë Ajola deklaron në përshkrimin e vet të angazhimeve, edhe punësimin pranë NAAN Hallery si dhe pranë Harabel Contemoraru Art Platform.

Përshkrimi i angazhimeve

Ajola është qiradhënësi apo i punësuari i galerive të artit që rastësisht zënë të njëjtën hapësirë me zyrat e Ajolës dhe partnerëve?

Në CV aktuale të Ajola Xoxës del edhe punësimi prane Founder of Gurgur Art Gallery. Nga buroi dhe si ka lindur ky pasion i Ajola Xoxës për galeritë dhe artin kontemporan?

Përshkrimi i angazhimeve

CNA.al disponon një kontratë të lidhur për promovimin e një tjetër artisti kontemporan, Sislej Xhafa, i cili ka përdorur për promovimin e vet “Harabelin” e Ajolës.

Marrëveshja

Sisjel Xhafa

Fondet për kurimin, promovimin dhe instalimin e veprës janë vënë në dispozicion të “Harabelit” nga... as më pak e as më shumë sesa nga Integrated Energy.

Ooops!

Marrëveshja me Integrated Energy

Arjola Kodra

Si arriti Kompania e inceneratorëve deri te “Harabeli” i Ajolës?

Dokumentat në QKB

Sipas marrëveshjes, artisti veprën "Bleta" ja dhuron “Harabelit” dhe pastaj burri i “Harabelit” vendos që ta instalojë si vepër arti në territorin e Tiranës ku sillet si pronar burri i “Harabelit”.

Sipas marrëveshjes, çdo komunikim do të bëhej tresh, mes artistit, inceneratorit dhe “Harabelit”.

Pas njoftimit për promovimin e piktores Greta Pllana, me sa duket duhet të hapim një investigim të ri për një treg që deri tani u ka shpëtuar syve dhe veshëve të qytetarëve të Tiranës.

Ky është tregu i artistëve dhe galerive të artit në qytetin e Tiranës./ CNA

Ndiqni videon e mëposhtme...