web counter
LEXO PA REKLAMA!

SHKARKO APP

App Store
Google Play

Kush e ka vjedhur veprën e artit të kuruar nga Ajola Xoxa?

30 Prill 2024, 19:54, Denoncim CNA
Kush e ka vjedhur veprën e artit të kuruar nga Ajola Xoxa?
Ajola Xoxa dhe Erion Veliaj

CNA.al disponon dokumentacionin e një marrëveshje ku del në skenë inceneratori i Tiranës, në një marrëveshje me “Harabelin” e Ajolës. Objekti i marrëveshjes ishte një vepër arti, të quajtur kontemporan. (LEXO KETU)

Vepra me fjalë të varfëra mund të përshkruhet si dritare e vjetër (nga ato të hedhura në vendgrumbullimet e plehrave) të cilës i ishte vendosur nje rrjetë mushkonjash.

Kush e ka vjedhur veprën e artit të kuruar nga Ajola Xoxa?

Kjo vepër arti sipas marrëveshjes, do kurohej nga “Harabeli” i Ajolës dhe duhet të qëndronte për 5 vjet në zonën e inceneratorit të Tiranës.

Pas kalimit të 5 vjetëve ekspozim në shi, diell, erë e tufan, vepra më pas duhej t'i kthehej artistit. Vepra nuk ndodhet më aty ku duhej të qëndronte për 5 vjet!

Me siguri ndonjë fshatar injorant, që nuk kupton fare nga arti kontemporan e ka marrë dhe e përdor si pengesë për mushkonjat në dritaren e shtëpisë.

I bëjmë thirrje që ta kthejë veprën atje ku e ka marrë sepse po dëmton gjithë imazhin e banorëve të zonës si njerëz që nuk marrin vesh nga arti.

Për më tepër që ajo vepër i duhet kthyer dikur artistit. Dhe shenjat e agjentëve atmosferikë deri atëherë vetëm do ja shtonin vlerën asaj që dikush e sheh thjesht si dritare e vjetër e kalbur.

Përfytyroni dhimbjen e Ajolës me shije të holla artistike kur t'a marrë vesh që vepra e kuruar prej saj është zhdukur!

Kush e ka vjedhur veprën e artit të kuruar nga Ajola Xoxa?
Vepra e artit nuk ekziston

Shikoni me vëmendje veprën e artit për kurimin e të cilës është paguar Ajola Xoxa.

Kush e ka vjedhur veprën e artit të kuruar nga Ajola Xoxa?

Është vepër arti dhe arti paguhet! Ndaj çdokujt që pamjet që sheh i duken si tallje therëse me varfërinë, e sigurojmë që e ka shumë gabim./ CNA

 





Lajmet e fundit nga