A pastrohen paratë e Veliajt përmes studios e galerive të artit të "Ajola-H"?

8 Maj 2024, 11:39, Denoncim CNA

CNA ka denoncuar prej ditësh lidhjet e Ajola Xoxës, bashkëshortes së Erion Veliajt, me kompaninë “Harabel” dhe me kompaninë e inceneratorit të Tiranës.

Me dokumente, CNA tregoi se kompania e inceneratorit të Tiranës paguante Ajola Xoxën si kuratore arti.

Pas skemës "5D" del në dritë edhe skema "AjolaH"?
29 Prill, 21:03

Në një denoncim të fundit është ngritur dyshimi se bashkëshortja e kryebashkiakut të Tiranës, Erion Veliaj, mund të ketë përdorur “Harabelin” e saj për të pastruar paratë e të shoqit të implikuar në aferat më korruptive atë të inceneratorit të Tiranës, si dhe dosjes "5D".

Pas publikimit të këtij lajmi nga CNA, ish-kryeministri e ka shpërndarë videon e lajmit në rrjetet sociale, duke ngritur edhe ai të njëjtat dyshime.

“A pastrohen paratë e Veliajt përmes studios e galerive të artit të bashkëshortes së tij? Ju ftoj të ndiqni videon”, shkruan Berisha krahas videos.

Skema "Ajola-H", a pastrohen paratë e Veliajt përmes studios dhe galerive të artit të bashkëshortes?
1 Maj, 14:40

Në botën e pastrimit të parave (që për Veliaj Rusveltin quhet "money laundering") njihet gjerësisht teknika e përdorimit të artit si lavatriçe pasurish të paligjshme. Pastrimi i parave duke përdorur botën e artit, përdor teknika të shumta për të infiltruar si të ardhura biznesi, fonde të siguruara në rrugë të jashtëligjshme.

Këto teknika shpesh përfshijnë mbivlerësimin ose zhvlerësimin e veprave të artit, duke përdorur ndërmjetës për transaksionet, duke sajuar të ardhura false, ose duke sajuar disa transaksione nga një dorë në tjetrën, në mënyrë që të ndërtohet një zinxhir transaksionesh i ngatërruar dhe që krijon konfuzion.

Nëse i shtoni këtij përshkrimi faktin që "Harabeli" ka pasion artin kontemporan (që ne injorantët nuk e kuptojmë shumë), e ku shijet e Ajolës përfshijnë edhe dritare të hedhura kanaleve apo ndonjë vetratë kundër mushkonjave, gjithkush e merr me mend vetë se sa shkon llogaria./ CNA