web counter
LEXO PA REKLAMA!

SHKARKO APP

App Store
Google Play

E fundit!

x

Ku shkuan 130 milionë eurot e inceneratorit të Tiranës? 

5 Maj 2024, 20:34, Denoncim CNA
Ku shkuan 130 milionë eurot e inceneratorit të Tiranës? 
Inceneratori i Tiranës

Ku shkuan 130 milionë eurot e taksapaguesve shqiptarë për inceneratorin e Tiranës?

Kjo është pyetja e drejtuar mbrëmjen e sotme nga kryetari i PD-së, Sali Berisha, teksa denoncoi aferën në inceneratorin e Tiranës.

Berisha kërkoi të dijë se kush i mori këta para, ndërsa i bëri thirrje qytetarëve të këmbëngulin për transparencë dhe për drejtësi.

“Qytetarë dhe qytetare, ju jeni njerëzit më të ndëshkuar sot për sot në kontinent dhe më gjerë, sepse siç është zbuluar qartë, në Shqipëri si në asnjë vend të botës, fondet vidhen 100 për qind.

Modele të tilla pangopësie, pamëshirësie, shpirtkamzërie i kanë vendosur Erion Veliaj, Edi Rama, ministrat e tij, si në asnjë vend tjetër të Europës dhe botës.

Qytetarë dhe qytetare në mençurinë tuaj, në interesin tuaj, në dinjitetin tuaj, është të shtroni çdo ditë pyetjen ku shkuan 130 milionë euro të cilat u paguan nga paratë tuaja për djegësin e Tiranës dhe ai nuk ka asnjë nam as nishan gjëkundi.

Kush i mori? Kush i vodhi?

Çdo ditë duhet të kërkoni me veten tuaj, ndërgjegjen tuaj dhe publikisht ku shkuan paratë tuaja.

Por nëse ju prisni përgjigje nga drejtësia, ajo sot është për ju drejtësia e mohuar.

Ajo sot është për ju mburojë e krimit, vjedhjes tuaj nga qeveritarët”, theksoi ish-kryeministri në protestën e përnatshme./ CNA





Lajmet e fundit nga