web counter
LEXO PA REKLAMA!

SHKARKO APP

App Store
Google Play

Ajola e Veliajt vendosi skulpturë në landfillin e Sharrës, ku u vra Ardit Gjoklaj

6 Maj 2024, 21:09, Denoncim CNA
Ajola e Veliajt vendosi skulpturë në landfillin e Sharrës, ku u
Ajola Xoxa dhe Erion Veliaj

CNA ka denoncuar prej disa ditësh lidhjet e Ajola Xoxës, bashkëshortes së Erion Veliaj me kompaninë “Harabel”-i dhe me kompaninë e inceneratorit të Tiranës.

Vetë Xoxa deklaron në rrjetet sociale se është themeluese e kompanisë “Harabel”, ku ka firmosur një sërë artistësh për t’i promovuar.

Njëri prej tyre është Sislej Xhafa, i cili për veprën e tij “Bleta” është financuar nga kompania e inceneratorit të Tiranës, “Integrated Energy BV SPV” dhe më pas veprën e ka vendosur në zonën e landfillit të Sharrës.

Për financimin e projektit të Ajola Xoxës nga kompania e inceneratorit të Tiranës ka reaguar mbrëmjen e sotme ish-kryeministri Sali Berisha.

Ky i fundit shigjetoi Erion Veliajn dhe tha se kryebashkiaku po përdor bashkëshorten për të vendosur skulptura te landfilli i Sharrës, ku humbi jetën adoleshenti Ardit Gjoklaj.

“Çdo orë që kalon, Erion Veliaj nuk e meriton gjetiu përveçse në qelinë e burgut.

Ky bandit, ky hajdut i zhveshur nga çdo moral njerëzor përdori të shoqen për të vendosur në vendin e krimit monstruoz, në vendin e groposjes të një adoleshenti, Ardit Gjoklaj, në vendin e vjedhjes së 130 milionë eurove, për të vendosur skulptura që qytetarët të harronin krimin e shëmtuar, të harronin vjedhjen e shekullit.

A ka akt më cinik dhe më të poshtër se ky? Miq, për zverku drejt te 313-a, aty e ka vendin. Aty e ka vendin bashkë me hajnat e tjerë”, theksoi Berisha ndër të tjera./ CNA





Lajmet e fundit nga