Dokumentet ekskluzive/ Roli i Erion Veliajt si negociator i inceneratorit

8 Maj 2024, 14:54, Denoncim CNA

Drejtuesi politik i PD-së, Belind Këlliçi, ka fakltuar dokumentet ekskluzive që tregojnë lidhjet e kryebashkiakut Erion Veliaj me biznesin e trajtimit dhe riciklimit të mbetjeve në Tiranë.

Sipas dokumenteve, të cilat janë dorëzuar në SPAK nga Këlliçi një ditë më parë, faktohet se pronari faktik i inceneratorit Tiranë, Erion Veliaj, ka negociuar të gjitha marrëdhëniet financiare të këtij biznesi.

Sipas Vendimit nr.5 të Asamblesë së ECO Tirana, nën drejtimin dhe presidencën e Erion Veliajt, ky i fundit merr përsipër rolin e negociatorit mes Vladimir Fezgës dhe inceneratorit Tiranë.

Fezga shet aksionet, por çuditërisht nuk merr asnjë lek. Më pas Veliaj nëpërmjet një kontrate të mbajtur të fshehtë, vendos që dhe aksionet e ECO Tiranës t’ia kalojë inceneratorit Tiranë. Edhe për këtë kontratë, biznesi i Erionit, Inceneratori i Tiranës, nuk paguan asnjë qindarkë.

Sipas dyshimeve e gjithë kjo skemë është është ngritur për pastrim parash dhe humbje gjurmësh, pasi kompania ECO Recycling, në momentin që firmoset kontrata koncesionare për 30 vite, nuk duhej të ekzistonte më, pasi procesi i riciklimit ishte eskluzivitet i Inceneratorit Tiranë.

“Sot po bëj publik një dokument ekskluziv, ku faktohet më së miri se pronari faktik i Inceneratorit Tiranë, Erion Veliaj, ka negociuar të gjitha marrëdhëniet financiare të këtij biznesi. Sipas Vendimit nr.5 të Asamblesë së ECO Tirana, nën drejtimin dhe presidencën e Erion Veliajt, ky i fundit merr përsipër rolin e negociatorit mes Vladimir Fezgës dhe Inceneratorit Tiranë. Fezga shet aksionet, por çuditërisht nuk merr asnjë lek. Më pas Veliaj nëpërmjet një kontrate të mbajtur të fshehtë, vendos që dhe aksionet e ECO Tiranës t’ia kalojë inceneratorit Tiranë. Edhe për këtë kontratë, biznesi i Erionit, Inceneratori i Tiranës, nuk paguan asnjë qindarkë.

E gjithë kjo skemë është ngritur në dyshimet tona për pastrim parash dhe humbje gjurmësh, pasi kompania ECO Recycling, në momentin që firmoset kontrata koncesionare për 30 vite, nuk duhej të ekzistonte më, pasi procesi i riciklimit ishte eskluzivitet i Inceneratorit Tiranë.

Për t'i faktuar SPAK-ut se ECO Recycling ka vazhduar biznesin në landfillin e Sharrës, bashkëlidhur kallëzimit tonë, janë edhe të gjitha shënimet sqaruese të bilanceve të kompanisë.

Në kallëzimin e depozituar gjenden edhe të dhëna për humbjen financiare që ka pësuar Bashkia Tiranë me firmën e vetë Erion Veliajt, për t’ia dhënë biznesin e riciklimit drejtorëve të tij '5D'.

I bëj thirrje SPAK-ut, që të regjistrojë menjëherë këtë kallëzim penal për kolegun e tyre dhe pronarin faktik të Inceneratorit Tiranë, shtetasin Erion Veliaj, i cili bashkë me shtabin e tij elektoral 5D, duhet të hetohen nën akuzën e Grupit të Strukturuar Kriminal dhe në lojë të futet Ligji Antimafia për sekuestrimin e të gjitha aseteve të kësaj organizate kriminale”, tha Këlliçi./ CNA

Dokumentet ekskluzive/ Roli i Erion Veliajt si negociator i inceneratorit