web counter
LEXO PA REKLAMA!

SHKARKO APP

E fundit!

x

Operacioni i SPAK-ut/ Masë sigurie për vëllain e ish-deputetit socialist

17 Maj 2024, 13:15, Aktualitet CNA
Operacioni i SPAK-ut/ Masë sigurie për vëllain e ish-deputetit
SPAK

SPAK-u ka lëshuar masë sigurie edhe për Xhevi Ndokën, vëllain e ish-deputetit socialist, Arben Ndoka.

Edhe ky i fundit është shpallur në kërkim në kuadër të operacionit të SPAK-ut të zhvilluar ditën e sotme.

Por Xhevi Ndokës i është komunikuar masa e sigurisë në qeli, duke qenë se ndodhet në burg pasi është dënuar nga Apeli i GJKKO-së si pjesë e grupit që tjetërsoi 234 mijë metra katrorë tokë në zonën e Ranës së Hedhun.

Kujtojmë që Apeli i GJKKO-së e ka dënuar Xhevi Ndokën me 10 vjet burg. 

Vijon operacioni i SPAK-ut për kapjen e "kokave" të krimit në qytetet si Tiranë, Vlorë, Lezhë, Fushë-Krujë, Nikël, Kurbin, Shijak, Durrës. 

Mësohet se 50 urdhër-arrestet janë lëshuar nga kreu i SPAK-ut, Altin Dumani, dhe prokurori Alfred Shehu në synim për të goditur "kokat" e krimit. 

CNA mëson se nga kontrollet në banesat e "kokave" të krimit janë gjetur shuma të mëdha parash dhe flori.

Nuk ka ende një njoftim zyrtar nga SPAK-u në lidhje me këtë megaoperacion./CNA 

 





Lajmet e fundit nga