web counter
LEXO PA REKLAMA!

SHKARKO APP

App Store
Google Play

Ekskluzive/ Karamuço: Objekt i SPAK dhe ish-funksionari i policisë, si u ndihmua nga ish-zv.kryeministri

17 Maj 2024, 17:45, Aktualitet CNA

Eksperti i Kriminalistikës Ervin Karamuço ka folur për mega-operacionin dhe arrestimet e kryera nga SPAK-u, të eksonentëve të njohur të botës së krimit.

Në një prononcim ekskluziv për CNA, Karamuço tha se arrestimet kanë objekt dhe ndalimin e dy ish-funksionarëve të lartë të Policisë me poste drejtuese në disa qarqe dhe repartee speciale.

Karamuço tha se një prej tyre, duke filluar nga vitit 2010 deri para vitit 2020, ndihmohej në promovimin e karrierës së tij nga një ish zv.kryeministër.

Apeli i Karamuços është që politika duhet të mbajë larg duart nga Policia e Shtetit

“Arrestimet që po ndodhin ditën e sotme, kanë në objekt të tyre edhe ndalimin ( deri tani) të dy ish funksionarëve të lartë të policisë me poste drejtuese në disa qarqe dhe reparte speciale.

Njëri prej tyre, gjatë viteve të kaluara, duke filluar që nga viti 2010 deri përpara vitit 2020, kohë kur janë mbyllur përgjimet Sky dhe Enchro është konstatuar se ndihmohej në promovimin e karrierës së tij nga një ish zv.kryeministër.

Ky fakt u deklarua nga ana ime, jo për të fajësuar si bashkëpunëtor këtë ish zv.kryeministër, por për të dhënë një mesazh të qartë se çfarë përgjegjësie morale merr një politikan nëse ndërhyn në emërimet dhe rritjen në detyrë të policëve që më vonë futen në konflikte të rënda me ligjin, si bashkëpunëtor të organizatave kriminale. Apeli im është:  Politika larg duart nga Policia e Shtetit”, tha Karamuço për CNA.





Lajmet e fundit nga