web counter
LEXO PA REKLAMA!

SHKARKO APP

App Store
Google Play

SPAK vijon aksionin/ Sekuestrohen mbi 2 milionë euro në lokalin e fisit Troplini

18 Maj 2024, 14:10, Aktualitet CNA

Vijon operacioni i SPAK për arrestimin e "kokave" të krimit në vend.

Burime për CNA bëjnë me dije se SPAK ka lëshuar udhër-arrest edhe për Fatmir Troplinin, i njohur si Miri i Pojës, i cili mësohet se kishte planifikuar të vriste Preng Gjinin.

Mësohet se janë kryer kontrolle në banesat e bizneset e familjes Troplini. 

Në lokalin e familjarëve të Fatmir Troplinit, janë gjetur mbi 2 milionë euro. 

Efektivët kanë mundur të gjejnë shuma të mëdha parash, ndërkohë që vijon numërimi i tyre. 

Atentati që planifikoi Fatmir Troplini: 

Atentati me minë të telekomanduar ndaj Preng Gjinit ndodhi në kryeqytet mbrëmjen e 15 shtatorit 2020.

400 gram C4 u vendosën në pjesën e poshtme të makinës që drejtonte Preng Gjini, nga Rrësheni dhe shpërtheu në momentin kur ai po udhëtonte mbi urën e lumit Lana, që ndodhet te zona e njohur si ish-Stacioni i Fundit i Tiranës së Re.

Gjini iu nënshtrua një ndërhyrjeje të gjatë krirugjikale dhe mjaft delikate, për shkak të dëmtimeve të shumta që ka pësuar nga shpërthimi. Ai është vëllai i Armando Gjinit, i cili u ekzekutua më 13 gusht të vitit 2019, në qendër të qytetit të Rrëshenit./CNA 





Lajmet e fundit nga