web counter
LEXO PA REKLAMA!

SHKARKO APP

App Store
Google Play

E fundit!

x

Veliaj firmosi për drejtorët hajdutë/ 5 tenderët që i dha “5D”-së

18 Maj 2024, 13:55, Aktualitet CNA
Veliaj firmosi për drejtorët hajdutë/ 5 tenderët që i
Erion Veliaj

CNA ka denoncuar prej muajsh skemën korruptive “5D” të drejtorëve të Erion Veliajt. Dosja "5D" çoi pas hekurave drejtorët e rëndësishëm të Erion Veliajt, Mariglen Qaton dhe Redi Mollën, Taulant Tushën, 6 zyrtarë të tjerë janë lënë në arrest shtëpie, ndërkohë që të tjerë po hetohen dhe disa pritet të vihen në pranga.(lexo këtu)

Drejtorët e Veliajt kanë vjedhur paratë e taksapaguesve të qytetarëve të Tiranës me tenderët që ia dhanë kompanisë së tyre "5D Konstruksion", por kryebashkiaku i Tiranës sillet sikur nuk ka ditur asgjë, madje i mbron ata, duke pretenduar se kanë bërë punë të mira. (lexo këtu)

Dje CNA solli fakte të reja, të cilat tregonin se Erion Veliaj është kryetari i drejtorëve hajdutë, apo organizatës së drejtorëve hajdutë, pasi vetë kryebashkiaku i ka cilësuar ata si një organizatë.

Veliaj, ndonëse thotë se nuk është në dijeni të vjedhjeve të drejtorëve, ka firmosur leje ndërtimi për pallate e komplekse, por edhe tenderë për kompaninë “5D”, e cila ka ndryshuar 3 herë emër, fillimisht e pati “Igor Elektrik”, më pas e bëri “VAS Konstruksion” sh.p.k. dhe në fund "5D Konstruksion". (lexo këtu)

Dje ne publikuam 4 leje ndërtimi që Veliaj u dha drejtorëve, ndërsa sot po sjellim fakte të reja, 5 tenderët që kryebashkiaku ka firmosur për “5D”-në, njëri prej të cilëve rezulton me flamur të kuq.

Veliaj firmosi për drejtorët hajdutë/ 5 tenderët që i
Tenderat

Pedonalja te Liqeni i Thatë

Njëri prej tenderëve është ai i ndërtimit të pedonales dhe korsisë së biçikletave në Liqenin e Thatë. Kontrata e lidhur në vitin 2021 me “5D Konstruksion” është në vlerën e 48,987,046.00 lekëve. Ky tender është me flamur të kuq.

Kanalizimet në Sauk

Tenderi tjetër është ai i ndërtimit të një rrjeti kanalizimi në bllokun e kufizuar nga rrugët “Adem Sina” dhe “Hiqmet Buzi” në Sauk. Edhe këtë tender Veliaj e ka firmosur në 2021-shin për kompaninë “5D Konstruksion” me vlerën 29,347,096.00 lekë.

Palestra e mundjes

Rikonstruksioni i palestrës së mundjes është tenderi tjetër që Veliaj firmosi për “5D”-në në vlerën e 3,328,067.00 lekëve. Ky tender u dha në vitin 2020.

Pastrimi, ngrohja dhe ndriçimi

Një tjetër tender është ai i materialeve për pastrim, dezinfektim, ngrohje dhe ndriçim. “5D Konstruksion” e ka fituar këtë tender për vlerën 299.2 në vitin 2019.

Ujësjellësi nga Kroi te Depoja e Çokollatës

Tenderi i 5-të është ai i rikonstruksionit të rrjetit të ujësjellësit nga Stacioni i Pompimit Kroi deri te Depoja e Çokollatës. Këtë tender, Veliaj ia dhe “5D”-së në vitin 2018 për shifrën 6,824,486.00 lekë. Ky tender i është dhënë kompanisë së drejtorëve, ndonëse kjo e fundit, sipas SPAK-ut, nuk i plotësonte kriteret e veçanta të kualifikimit.

Veliaj firmosi për drejtorët hajdutë/ 5 tenderët që i
Mariglen Qato, Erion Veliaj, Redi Molla, Fatos Tusha

Këto janë 5 tendera që mbajnë firmën e kryebashkiakut, i cili bën sikur nuk sheh dhe nuk i di bëmat e drejtorëve të tij, ndonëse dokumentet dhe faktet tregojnë të kundërtën. Këto janë disa fakte të reja që sjell CNA, e cila do të publikojë dita ditës dokumente që zbulojnë vjedhjen masive në Bashkinë e Tiranës./CNA





Lajmet e fundit nga