Dhjetëra tenderë/ Si Veliaj shpërbleu dhëndrin e familjes Qafalia, punësimet në administratë

18 Maj 2024, 11:46, Aktualitet CNA

Lidhje nepotike në Bashkinë e Tiranës. Familjarë të Kujtim Qefalisë, vëllait të deputetit Xhemal Qafalia, janë përfitues të tenderave të dhëna nga Bashkia Tiranë.

Emisioni "Plug" ka dhënë detaje në lidhje me skemat e përfitimit të ternderave.

Gjithçka nis me kompanininë "ISEC SHPK" të Arisona Vasilit, të cilën i kanë dhuruar në korrik 2015.

Sipas të dhënave, kjo shoqëri rezulton se ka përfituar të paktën 12 tendera publikë, me vlerë rreth 660 mijë euro. Vasili ka pasur detyrën si Specialiste e Lartë në Shërbimet Sociale në Bashkinë e Tiranës.

Dhjetëra tenderë/ Si Veliaj shpërbleu dhëndrin e familjes

Por kur qëndron lidhja?

Jo vetëm shoqëria ‘ISEC shpk’, në pronësi të vetë vartëses së Erion Veliajt, por kliente e bashkisë së Tiranës, është dhe kompania e vëllait të Arsona Vasilit, Aleksandri Vasili.

Ky i fundit është dhëndër i Kujtim Qefalisë, ish-Administratori i Njësisë Administrative Dajt, njëherazi vëllai i deputetit socialist, Xhemal Qefalia.

Theksojmë këtu se vëllezërit Kujtim dhe Xhemal Qefalia, janë gjithashtu ndër bashkëpunëtorët e afërt të Erion Veliajt pas vitit 2015 në Bashkinë e Tiranës.

Aleksandër Vasili, është ortaku i vetëm i kompanisë ‘Al Point’ shpk, e themeluar në 3 gusht të vitit 2010. Nga viti 2010 deri në 2016, kjo kompani ka pasur vazhdimisht humbje. Ajo në mbi 10 raste ajo është vendosur nën sekuestro, herë nga Drejtoria e Tatimeve dhe herë nga përmbarues privatë.

Dhjetëra tenderë/ Si Veliaj shpërbleu dhëndrin e familjes

Mirëpo në të njëjtën periudhë, kur Kujtim Qefalia, vjehrri i tij ishte kryetar i komunës së Dajtit, kompania e Aleksandri Vasilit përfitoi leje ndërtimi.

Tenderat e përfituar nga Aleksandri Vasili:

10 tetor 2011, për ndërtimin e një godine banimi pesë katëshe pranë shkollës 9 vjeçare Qesarakë.

14 nëntor 2011 godinë shtatë kate pranë restorant Freskut.

Në datën 25 maj 2012, kjo shoqëri përfiton edhe një tjetër leje ndërtimi për godinë banimi pesë kate në Shkozë.

Midis viteve 2020-2021, kompania Al-Point përfiton dy leje ndërtimi për pallate, si dhe tenderin nga programi i rindërtimit për ndërtimin e një pallati tek lagja 5 Maj.

Në datën 7 dhjetor 2020, Al-Point regjistron në QKB adresën dytësore për ndërtimin e një objekti dhe shërbimi me 2.6 dhe 7 kate me 2 dhe 3 kate parkimi nën tokë te rruga e Dibrës.

Në datën 11 mars 2021, kjo shoqëri regjistron adresën dytësore për ndërtimin Godinë Banimi dhe shërbimi 1.6 dhe 7 kate me dy kate parkimi nën tokë.

Më 24 mars 2021, kjo shoqëri regjistron edhe adresën e ndërtimit të ‘godinë banimi’ 5 dhe 1 kat nëntokë, tek lagja 5 maji. Kjo është godina e tenderit prej 4.8 milionë eurosh nga programi i rindërtimit dhënë nga Bashkia e Tiranës me firmën e Erion Veliaj.

Në datën 26 nëntor 2020, Al-Point, përfiton së bashku me një tjetër kompani, tenderin me objekt ‘Hartim i projektit dhe zbatimi i punimeve për ndërtimin e godinës 19 në zonën zhvillimore ‘5 Maji’.

Punësimet në Bashkinë e Tiranës:

Familja Qefalia ka pasur dhe ka shumë anëtarë të cilët i shërbejnë pranë administratës publike:

-Xhemal Qefalia, deputet,

-Bashkëshortja e Xhemalit, shefe në Ministrinë e Brendshme.

-Kujtim Qefalia, ish-administrator i Zonës së Dajtit.

-Rigers Kujtim Qefalia, inspektor në AKU.

-Migena Vasili, kunata e Vajzës së Kujtimit, Shefe në bashkinë Tiranë.

-Aqif Qefalia, vëllai i Xhemalit, i punësuar OSSH.

-Albana Qefalia, nusja e djalit të Aqifit, punon në prefekturën e Tiranës.

-Aurel Qeflia, djali i Aqifit, punon në doganën e Pogradecit./CNA