web counter
LEXO PA REKLAMA!

SHKARKO APP

App Store
Google Play

Vula e PD/ Gjykata e Apelit vendos datën për shqyrtimin e çështjes

17 Maj 2024, 20:55, Aktualitet CNA

Vula e PD/ Gjykata e Apelit vendos datën për shqyrtimin e

Gjykata e Apelit ka vendosur datën për shqyrtimin e çështjes për vulën e PD-së.Mësohet se seanca do të zhvillohet në datën 11 qershor, në orën 10:00.

Kujtojmë se në vendimin e zbardhur të Gjykatës së Lartë çështja e vulës së PD-së do të shqyrtohej në Apel dhe kishte marrë vendimin për “Prishjen e vendimit nr. 44, datë 03.03.2023 të Gjykatës së Apelit të Juridiksionit të Përgjithshëm Tiranë dhe dërgimin e çështjes për rishqyrtim pranë asaj gjykate, me tjetër trup gjykues”.

Sipas vendimit, Kolegji arrinte në konkluzionin se Gjykata e Apelit i ishte shmangur detyrimeve të saj ligjore, të cilat janë të detyrueshme për tu zbatuar, pasi garantojnë kryerjen e një procesi gjyqësor civil të rregullt, ligjor, efektiv dhe brenda afateve ligjore të arsyeshme.

Gjykata e Apelit, vetëm pasi të arrinte në një konkluzion përfundimtar nëse mjeti i ankimit objekt shqyrtimi i plotësonte të gjitha parakushtet formale të pranueshmërisë, kishte të drejtë ti hapte rrugë shqyrtimit të shkaqeve të ankimit dhe ti jepte zgjidhje në themel çështjes objekt shqyrtimi.

Më tej në vendim theksohej se në rast se Gjykata e Apelit kishte në konkluzionin se në themel të këtij gjykimi, qëndronte përcaktimi se kush ishte juridikisht organi ligjor që përfaqësonte tek të tretët subjektin juridik PDSH, kjo gjykatë, duhet të kishte vendosur pushimin e gjykimit, duke orientuar palët që të zhvillojnë një gjykim themeli mes tyre.

Në asnjë rast gjykata nuk mund të vendoste prishjen e vendimit të shkallës së parë dhe kthimin e çështjes për rigjykim, pasi në mënyrën se si e ka analizuar çështjen kjo gjykatë nuk ka dhënë konsiderata në lidhje me çështje substanciale të ligjit procedural e që duhet të merren parasysh gjatë rigjykimit./ CNA

 





Lajmet e fundit nga