web counter
LEXO PA REKLAMA!

SHKARKO APP

App Store
Google Play

"Kolegët" e SPAK-ut vënë në punë Erion Veliajn

19 Maj 2024, 09:06, Aktualitet CNA

"Kolegët" e SPAK-ut vënë në punë Erion

Pas "show"-t me mbjelljen e pemëve te Prokuroria, Erion Veliaj po përpiqet t'u tregojë kolegëve të SPAK-ut se bën “punë të mira”, pavarësisht se drejtorët i ka pas hekurave për korrupsion dhe abuzime me tenderë, apo se të tjerë zyrtarë të Bashkisë së Tiranës janë nën hetim. (LEXO KETU)

"Kolegët" e SPAK-ut e kanë vënë në punë kryebashkiakun e drejtorëve hajdutë, të cilët kanë ngrënë kumbulla dhe dardha pas shpinës së tij dhe kreu i organizatës nuk dinte asgjë.

Veliaj ka nxjerrë në aksion makinat e pastrimit, për të larë rrugët e kryeqytetit.

"Kolegët" e SPAK-ut vënë në punë Erion

E gjithë kjo një propagandë nga Veliaj, i cili po tenton të shpëtojë nga llogaridhënia.

Veliaj po përpiqet t'u tregojë “kolegëve” të SPAK-ut se paratë e vjedhura të inceneratorit të Tiranës kanë shkuar për pastrimin e qytetit, për të cilin reklamon se kujdeset për ta mbajtur çdo ditë të pastër.

Veliaj mendon se duke larë me ujë rrugët e kryeqytetit mund të justifikojë vjedhjen e shekullit dhe implikimin e tij në të, apo vjedhjen galopante të drejtorëve të tij me "5D".

Duket se thirrja dhe qëndrimi prej 7 orësh në Prokurorinë e Posaçme me ata që ai i quan “kolegë” e kanë vënë në punë lali Erin dhe i ka hyrë me themel pastrimit të rrugëve, por a do të mund të pastrojë korrupsionin me inceneratorin e Tiranës dhe kompaninë "5D", të cilët kanë gllabëruar qindra miliona euro nga xhepat e shqiptarëve?

Shpresojmë që ky zell t’i zgjasë sa më shumë lali Erit dhe të frymëzohet pas çdo thirrjeje nga “kolegët” e tij në SPAK./ CNA

 




Lajmet e fundit nga