web counter
LEXO PA REKLAMA!

SHKARKO APP

App Store
Google Play

Për ta lexuar ata që nuk kanë fatin e Ajolës!

18 Maj 2024, 10:43, Editorial Elvi FUNDO

Nëse rreshton fotot e Ajola Xoxajt nga koha e gjimnazit e deri më sot dhe ja jep një personi që nuk e ka idene se për kë bëhet fjalë, duhet edhe t'i shpjegosh që po shikon fotot e të njëjtit person në vite.

Për ta lexuar ata që nuk kanë fatin e Ajolës!
Ajola Xoxa foto ndër vite

Ndryshimi është i madh dhe duke parë në kohë shkrimet e porositura në portale servile të bashkëshortit Erion Veliaj, do shikosh tituj të tipit: "Kush është bashkëshortja bukuroshe e Erion Veliajt".

Për ta lexuar ata që nuk kanë fatin e Ajolës!
Ajola Xoxa dhe Erion Veliaj, foto e shkrepur në vitin 2012

Në rrethe profesionistësh, zonja Xoxa nuk përmendet asnjëherë për mendjen, por nëse i klikon emrin në Google, gjen reklama për veshjet dhe stilin e saj.

Është e vështirë të gjendet për shembull ndonje CV dhe i vetmi "informacion" është ai i regjistrimit për të ndjekur studimet master në të Drejtë Tregtare në TorreVergata. Informacioni është pak i datuar ndaj nuk kuptohet dot nëse megjithë kalimin e viteve tashmë është lëshuar ndonjë dëshmi apo diplomë për zonjën Xoxa.

Për ta lexuar ata që nuk kanë fatin e Ajolës!
Ajola Xoxa

Por ndërsa Google është shumë i kursyer me infomacion për arsimimim e zonjës Xoxa, nuk ndodh kështu me karrieren e saj si kuratore arti. Duhet të presupozojmë që ndërsa pret të mbarojë studimet mat'anë detit në TorreVergata, këtej detit zonja Xoxa i ka hyrë karrierës si kuratore arti.(lexo këtu)

Në këtë fushë Zonja Xoxa e shtrin aktivitetin nga kurimi i kornizave të dritareve të vjetra e deri tek rinovimi i Filmit "Mësonjëtorja". Çfarë arsimimi ka zonja Xoxa që është bërë kuratorja e preferuar e Teatrit të Operas dhe Baletit, e Ministrisë së Kulturës dhe Turizmit, e Ministrise se Arsimit dhe Kulturës? (lexo këtu)

Për ta lexuar ata që nuk kanë fatin e Ajolës!
Shumat e parave që Ajola Xoxa ka marrë nga qeveria

Është interesante se si ndryshimi i emrit të ministrive nuk ka cënuar reputacionin e kuratore Ajolës në sytë e ministereshave të radhës. Për të zhvilluar pasionin e vet në fushën e artit dhe promovimit të atyre artistëve që beson se vlejnë, zonja Xoxa ka në përdorim pa afat dy ambiente, një në zonën më të shtrenjtë të Tiranës dhe një tjetër në zonën më të shtrenjtë të Petrelës.

Për mënyrën e përdorimit të ambjentit në zonën e Bllokut në Tiranë kemi deklarimet e vetë platformës në pronësi të Ajola Xoxës. Nuk kemi ende informacione se cili është sot pronari i vilës, por në atë vilë dikur kanë jetuar përfaqësues te trupit të huaj diplomatik.

Deri në ditën që, sipas Ajolës, pronari vendosi që t'ja jape Ajolës PA QIRA dhe në përdorim PA AFAT. Vila në fjalë në vitet '90 e deri perpara rreth 10 vjetesh, ka qenë në pronësi të një çifti emigrantësh të cilët dikur vendosën ta shesin. Që nga ajo dite, vila është shitur e blerë disa herë. Vetë Ajola Xoxa për galerine "NAAN" që ndodhet në rrugën "Ibrahim Rugova" në zonën e ish-Bllokut, nuk paguan qira.

Shkruesi që menaxhon platformën "Harabel" në pronësi të Ajola Xoxajt, e thotë qartë që hapësira ku ushtron aktivitetin e ekspozimit Galeria NAAN, është në hapësirën private e dikujt tjetër dhe galeria nuk paguan asnjë detyrim financiar.

Këtë e tregojnë komentet më poshtë, ku kompania e thotë qartë se ka zënë hapësirën private të dikujt tjetër dhe nuk paguan asnjë detyrim.

Komentet: 

Ontakragoueke: @harabelcontemporary kjo është jashtëzakonshme! Sa me fat keni qenë që gjetët hapësirë të lirë, buxhet për të rinovuar dhe keni pasur luksin të mos kërkoni asnjë komision! Tingëllon si një përrallë e vërtetë

Ontakragoueke: Jo komerciale! Uau! Pra, si e keni paguar atë? Si e gjetët atë hapësirë?

Harabelcontemporary: @ontakragoueke: Po, të dyja hapësirat tona janë jo komerciale dhe ne nuk aplikojmë asnjë tarifë nëse artistët shesin veprat e tyre, mund të shkoni dhe t'i pyesni, është e lehtë. Ne e kuptojmë se është shumë e vështirë të kuptohet nga dikush që nxitet vetëm nga interesi dhe urrejtja, por ne jemi të shtyrë vetëm nga pasioni për artin dhe kulturën dhe ne e duam punën që bëjmë, ndoshta nuk do ta kuptoni kurrë. Ne nuk e zotërojmë hapësirën dhe nuk paguajmë qira për hapësirën: ishte një hapësirë bosh e pa përdorur për 10 vitet e fundit, para se të bëhej një hapësirë ekspozite. Ne do të promovojmë artistë në këtë hapësirë për aq kohë sa pronari do të na lejojë, sigurisht që ata mund të na nxjerrin jashtë në çdo kohë, dhe pastaj do të gjejmë një hapësirë tjetër."

Për ta lexuar ata që nuk kanë fatin e Ajolës!

Një hapësirë në Bllok që pronari e paska mbajtur 10 vjet të pashfrytëzuar, pra pa i nxjerrë të ardhura. Dhe që pas 10 vjetëve i mësuar tashmë me faktin që nga ajo pronë nuk nxorrën të ardhura, ja jep Ajolës që ta përdori sa kohë të dojë. Mesa duket kemi nga njëra anë një pronar pa fat dhe nga ana tjetër një Ajolë që e ndjek fati nga pas e nuk i ndahet./CNA 





Lajmet e fundit nga