web counter
LEXO PA REKLAMA!

SHKARKO APP

App Store
Google Play

E fundit!

x

Shqetësohet Veliaj/ Kush ma nxori kërkesën e prokurorit për hetimin e pasurisë?

22 Maj 2024, 17:43, Aktualitet CNA

Mediat e Erion Veliajt, të paguara nga inceneratorët, mediat e aferave që në fakt kanë përfituar nga pushteti i kryebashkiakut dhe i Rilindjes, janë shqetësuar pse ka dalë dokumenti që tregon se ka filluar hetimi pasuror ndaj Erion Veliajt dhe familjarëve të tij.

Për më tepër janë emra, persona, akuzohen individë, por dhe vetë SPAK-u.

Personat, të cilët janë kallëzuar dhe po hetohen nga SPAK-u, janë shqetësuar pse i ka dalë ky dokument SPAK-ut.

Në fakt, për çdo injorant mediatik, militant politik dhe budalla publik që ka marrë më qafë ndoshta partinë në pushtet, 99-çat dhe vetë Erion Veliajn, ka thjesht dhe vetëm një përgjigje.

Shqetësohet Veliaj/ Kush ma nxori kërkesën e prokurorit për
Erion Veliaj

Një dokument për një hetim pasuror u çohet të gjitha bankave të nivelit të dytë. Mund të ketë dalë nga banka A deri në bankën ZH. (Lexo këtu)

Nga dhjetëra banka të nivelit të dytë që ka Shqipëria mund të ketë dalë ai dokument, pasi nuk çohet në një të vetme.

Gjithashtu përveç bankave, e njëjta shkresë, e njëjta kërkesë, në një formë tjetër, çohet në institucione të tjera publike, por ato e kanë të personalizuar. Pra, kur i çohet Hipotekës apo kur i çohet një institucioni tjetër.

Në rastin e bankave është i njëjti dokument që shkon në bllok dhe mund të ketë dalë nga çdolloj banke e nivelit të dytë.

Pse minjtë e gjirizeve të Veliajt kërkojnë me çdo kusht t’ia faturojnë SPAK-ut daljen e dokumentit?

Prokurori ka çuar një shkresë, dikush e ka nxjerrë. Nuk është dekonspirim hetimi, por më shumë sesa shqetësim për nxjerrje faktesh, provash apo dokumentesh, në të cilin publikuesit janë kujdesur të mos nxjerrin data, të mos nxjerrin institucionin që i është drejtuar.

Ka rëndësi një pyetje tjetër:

Pse nuk është raportuar në shumicën e mediave kryesore fillimi i hetimit pasuror për Erion Veliajn?

CNA ka një javë e raporton pasi dokumenti mban datën 17.05.2024.

Shqetësohet Veliaj/ Kush ma nxori kërkesën e prokurorit për
Dokumenti i firmosur nga prokurori Ols Dado
Shqetësohet Veliaj/ Kush ma nxori kërkesën e prokurorit për
Dokumenti i firmosur nga prokurori Ols Dado

Se kush e ka nxjerrë ajo tashmë është e qartë. Ata që vetë akuzojnë SPAK. Mund që ka dalë nga bankat e nivelit të dytë, mund të ketë një hetim nga SPAK-u dhe mund ta gjejë.

Por që ajo është thjesht një kërkesë për informacion dhe kaq.

Problemi është pse mediat nxjerrin lajmin e hetimit dhe e fshijnë?

Pse mediat e tjera kryesore në vend nuk e raportojnë fillimin e procedimit penal dhe hetimin pasuror për Erion Veliajn?

Dhe për ata që nuk e dinë apo që bëjnë sikur nuk e dinë, hetimi pasuror fillon gjithmonë pas fillimit të hetimit apo regjistrimit të një procedimi penal apo në kuadër të një hetimi tjetër që mund të lidhet me ligjin antimafie.

Ndaj më shumë sesa të shqetësohen pse ka dalë dokumenti nga bankat dhe të akuzojnë SPAK-un për këtë fakt, duhet të japin lajmet së pari.

Duket të jenë të bindur dhe të qetë se Erion Veliaj në qoftë se është i pafajshëm këtë do t’ia thotë drejtësia, edhe pas hetimit pasuror dhe pas hetimit penal dhe këtu nuk ka asgjë të keqe. Se kështu pretendon ai, që i bën vetë paraqitjet dhe hetimet që të pastrojë imazhin. (Lexo këtu)

Shqetësohet Veliaj/ Kush ma nxori kërkesën e prokurorit për
Fotomontazh - Erion Veliaj dhe SPAK

Vetëm se problemi është i këtyre grupeve kriminale mediatike, të blera me para inceneratorësh, korrupsioni, drejtorësh të “5D”, që funksionojnë si struktura banditësh kundër opinionit publik, për të mbrojtur hajdutë të korruptuar apo dhe të pafajshëm duke gjetur alibi, duke ngritur teza thjesht dhe vetëm duke mashtruar opinionin publik është KOHA. Ajo vonon por nuk harron.

Koha ka treguar se kush janë dhe sa u vlen lëkura. Koha ecën paralel me hetimet ndaj dhe me të drejtë janë alarmuar. Jo për faktin se ka dalë dokumenti, por sepse po hetohet ai që ata e quajnë të paprekshëm dhe e kanë dhe sponsorin e tyre kryesor, kryebashkiakun e Tiranës, kreun e organizatës së hajdutëve, Erion Veliaj, “kolegu” që kontrollonte SPAK-un./ CNA





Lajmet e fundit nga