web counter
LEXO PA REKLAMA!

SHKARKO APP

App Store
Google Play

U skualifikua nga gara/ Prençi: Mbetën ata që u veshën me fustan, drejtorët emërohen nga burgu 313

25 Shtator 2024, 19:51, Aktualitet CNA
U skualifikua nga gara/ Prençi: Mbetën ata që u veshën me
Shemsi Prenci

Shemsi Prençi një nga emrat e parë që kandidoi për pozicionin e drejtorit të ri të Policisë së Shtetit, i cili u skualifikua pa shkuar në intervistë, ka folur për garën që po zhvillohet.

Gjatë një interviste për mediat, Prençi u shpreh se gara është e përcaktuar ndërsa shtoi se e dinte se kush do të emërohej Drejtor i Përgjithshëm i Policisë së Shtetit.

“Kushdo që të zgjidhet uroj që të distancohet nga politika, të respektojë ligjin”, tha Prençi.

Ai tha se drejtorë policie janë emëruar nga deputetë të PS-së, nga kryebashkiakë, apo edhe nga burgu 313.

“Drejtor policie është ai që e tund kokën megjithë këmborë. Kemi pasur drejtorë policie si Hysni Burgaj apo Ardi Veliun që e shkatërruan Policinë e Shtetit. Veliu mori 4 grada për dy vite, kur duhej një kohë prej 15 vitesh”, tha Prençi.

Ai tha se skualifikimi i tij nga gara për mungesë dokumentacioni është i turpshëm.

“Komisioni është politik, nuk ka asnjë ekspert. Nëse Komisioni do të përbëhej nga një përfaqësues i SPAK, Avokati i popullit, Drejtori i Akademisë së Rendit, përfaqësues nga Dhoma e Avokatisë, atëherë do të kishim një komision të pranushëm”, tha Prençi./ CNA





Lajmet e fundit nga