web counter
LEXO PA REKLAMA!

SHKARKO APP

App Store
Google Play

Çfarë ndodh tani me Salianjin?/ Procedurat ligjore

26 Shtator 2024, 14:19, Aktualitet CNA
Çfarë ndodh tani me Salianjin?/ Procedurat ligjore
Ervin Salianji

Sot Gjykata e Apelit dha vendimin përfundimtar për deputetin Ervin Salianji, i cili është dënuar me 1 vit burg nga Gjykata e Faktit, vendim ky i lënë në fuqi nga Apeli në lidhje me çështjen e njohur si “Babalja”.

CNA ka mundur të marrë të dhëna nga ekspertë dhe jurisë në lidhje me procedurën ligjore që ndiqet tashmë, pas një vendimi të dhënë nga Gjykata e Apelit.

Vendimi përfundimtar i dhënë nga Apeli, sipas vendimit të Faktit të lënë në fuqi, është 1 vit burg. Ervin Salianji duhet të shkojë 1 vit në qeli, ditë më ditë burg.

Procedura ligjore ka një rrugë të vetme ankimim, pala e dënuar i drejtohet Gjykatës së Lartë, pra nga Ervin Salianji, në lidhje me pezullimin e zbatimit të vendimit, që është një çështje që duhet të ndiqet me procedurë të përshpejtuar që Gjykata e Lartë të japë një vendim, por kjo nuk do të thotë që Salianji shpëton, aspak.

Menjëherë pas zbardhjes së vendimit, çështja i njoftohet prokurorit që ka ndjekur akuzën.

Çfarë ndodh tani me Salianjin?/ Procedurat ligjore
Gjykata e Apelit

Prokurori, pasi konstaton vendimin e gjykatës njofton Kuvendin dhe më pas është Këshilli i Mandateve që për shkak të këtij dënimi duhet t’i heqë imunitetin Ervin Salianjit, i cili më pas duhet shoqëruar nga policia, arrestuar dhe dërguar në institucionet e vuajtjes së dënimit.

Pra, Ervin Salianji ka mundësi të ankohet në Gjykatën e Lartë, por deri në dhënien e vendimit nga Gjykata e Lartë, prokurori duhet të njoftojë Kuvendin.

Çfarë ndodh tani me Salianjin?/ Procedurat ligjore
Ervin Salianji në Gjykatën e Apelit

Këshilli i Mandateve duhet të heqë imunitetin dhe Salianji duhet të shkojë në qeli.

Më pas, në rast se Gjykata e Lartë pezullon vendimin për zbatim, Ervin Salianji nuk hyn në burg, por pret hapa të tjera ligjorë.

Në rast se Gjykata e Lartë lë në fuqi venmdimin për zbatim, Ervin Salianji duhet të bëjë një vit burg të plotë ditë më ditë, sipas vendimit përfundimtar të Gjykatës së Apelit, e cila linte në fuqi vendimin e Gjykatës së Faktit./ CNA





Lajmet e fundit nga