web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet "kolegu" i Aldor Ninit

9 Gusht 2024, 15:00, Aktualitet CNA
Zbulohet "kolegu" i Aldor Ninit
Aldor Nini në sallën e gjyqit, burimi CNA

Policia ka zbardhur veprimtarinë kriminale të një 34-vjeçari, i cili përndiqte vajzat “online”, duke iu publikuar foto, duke u bërë përshkrime denigruese dhe duke i shantazhuar.

Shtetasi F. D., i cili po vuan dënimin në një burg të Francës, nga qelia ka hapur profile false në “TikTok” dhe në “Instagram”, për 62 vajza. (Lexo këtu)

Për të njëjtën çështje, pra për profile false në “Instagram” dhe rrjete sociale, Prokuroria e Tiranës akuzon si përndjekës Aldor Ninin, drejtuesin e kompanisë “Acromax”.

Zbulohet "kolegu" i Aldor Ninit
Aldor Nini në Prokurorinë e Tiranës, burimi LSA

Pritet që seanca gjyqësore për këtë të fundit të fillojë në 12 shtator. Aldor Nini u denoncua nga ish-e fejuara e tij për përndjekje. (Lexo këtu)

Prokurorët e çështjes kanë mundur të sigurojnë materiale të plota që konfirmojnë se llogaritë “Limoni i Artë”, të cilat kanë përndjekur dhe denigruar ish-të fejuarën e Aldor Ninit, janë hapur në zyrën e tij apo te një kafe poshtë zyrës së tij. (Lexo këtu)

I vetmi ndryshim i Aldor Ninit me përndjekësin është se ai ka hapur profile për shumë vajza, ndërsa Aldor Nini deri më tani është me një rast.

Zbulohet "kolegu" i Aldor Ninit
Aldor Nini në Prokurorinë e Tiranës, burimi LSA

Nga ana tjetër, Aldor Nini ka pasur akuza edhe nga ish-bashkëshortja në lidhje me faktin se asaj iu vendos GPS në makinë, por nuk u zbulua kurrë se kush ishte autori, megjithëse gishti u drejtua drejt Ninit. (Lexo këtu)

Në fakt, "kolegu" i Ninit, djali që ka hapur shumë profile ndodhet në burg, ndërsa Nini ndodhet jashtë.

Ndoshta drejtësia do të bëjë atë që duhet dhe do ta çojë edhe Aldor Ninin atje te përndjekësi tjetër për të vuajtur dënimin për këto vepra kriminale që bëhen zakonisht ndaj vajzave./ CNA





Lajmet e fundit nga