web counter
LEXO PA REKLAMA!

SHKARKO APP

App Store
Google Play

Akuzohen se dhunuan modelen/ Shpallen në kërkim motrat Antonela dhe Mariela Berisha

9 Gusht 2024, 08:13, Aktualitet CNA
Akuzohen se dhunuan modelen/ Shpallen në kërkim motrat Antonela dhe
Motrat Antonela dhe Mariela Berisha

Policia ka shpallur në kërkim ish-banoren e “Big Brother VIP”, Antonela Berisha, dhe motrën e saj Mariela Berisha.

Shkak është bërë dhuna makabre ndaj modeles Klea Prenga, e cila u godit të martën e 6 gushtit me gotë në fytyrë, teksa po darkonte në një restorant në kryeqytet.

Prenga ka akuzuar motrat Berisha si porositëse të sulmit ndaj saj.

Ajo ka publikuar në rrjetet sociale edhe një mesazh, ku thuhet se gjithçka ka ndodhur për shkak të Mariela Berishës.

Sipas modeles, Mariela Berisha e ka akuzuar për një raport jashtëmartesor me bashkëshortin e saj.

Pas denoncimit të rastit të dhunës, ndaj motrave Berisha është ngritur akuza "Plagosje e rëndë me dashje".

“Specialistët për Hetimin e Krimeve të Komisariatit të Policisë Nr. 1 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punojnë për lokalizimin e shtetaseve A. B., 28 vjeçe, dhe M. B., 28 vjeçe, të dyja banuese në Tiranë, për veprën penale "Plagosja e rëndë me dashje" kryer në bashkëpunim, parashikuar nga neni 88/25 i Kodit Penal.

Këty dy shtetase, në bashkëpunim me njëra-tjetrën, në ambientet e një lokali në Tiranë, dyshohet se kanë goditur me shishe qelqi në fytyrë shtetasen K. P., 24 vjeçe.

Materialet i kaluan Prokurorisë”, thuhet në njoftimin e policisë./ CNA





Lajmet e fundit nga