web counter
LEXO PA REKLAMA!

SHKARKO APP

App Store
Google Play

E fundit!

x

Skandali me kompaninë britanike/ Këlliçi: Veliaj me taksat tona do të paguajë për të audituar vjedhjet

8 Gusht 2024, 11:44, Aktualitet CNA
Skandali me kompaninë britanike/ Këlliçi: Veliaj me taksat tona
Belind Këlliçi

Në protestën që po zhvillohet sot para Bashkisë së Tiranës, drejtuesi politik i PD-së për Tiranën, Belind Këlliçi, komentoi skandalin e radhës në këtë institucion, ku Veliaj do të kontraktojë një kompani britanike për të kaluar në skaner të gjitha procedurat, që nga mënyra se si merren vendimet, si kontrollohen dhe deri te zbatimi i projekteve.

Sipas Këlliçit, Veliaj do të paguajë me taksat tona kompaninë britanike për të audituar vjedhjet në këtë institucion. 

"Javën e kaluar bëmë publike skemën e re të vjedhjeve. Tani Veliaj ka kaluar në skemën '7S'. SPAK-u po mbron hajdutët. Ditën e djeshme keni parë një lajm tjetër, ka vendosur të kontraktojë një kompani britanike për të bërë auditin e procedurave të Bashkisë Tiranë. U thotë zyrtarëve të bashkisë që ju jeni vjedhur, përdor taksat tona për të audituar vjedhjet e tyre. Ne kemi një drejtori antikorrupsion në kryeministri, kur kemi KLSH për çfarë duhet kjo kompani. Erion Veliaj, një nga një i ka futur në burg drejtorët e tij. Këtu kemi një opozitë, nuk dorëzohet dhe nuk bën kompromis. Javën e ardhshme, sot java, do të zhvillojmë protestën e radhës", tha ai. 

Ai komentoi më tej edhe videon e publikuar nga Endrit Habilaj, i cili u shfaq me Mirel Mërtirin, "kokën" e inceneratorëve në restorantin luksoz “Trattoria Toscana La No” në Austri. 

Këlliçi theksoi se të gjitha paratë që ata shpenzojnë janë të qytetarëve të Tiranës. 

"Darkonin në një nga restorantet më të shtrenjta në Vjenë. Ata tallen me qytetarët shqiptarë. Një darkë e tyre kushton sa 100 ndihma ekonomike. Ata jetojnë me paratë e qytetarëve. Ato para që nuk gjen dot SPAK-u, vazhdon t'i gjejë grupi i ekspertëve pranë opozitës. Në krye të aferave janë Veliaj dhe Rama", u shpreh Këlliçi./CNA





Lajmet e fundit nga