web counter
LEXO PA REKLAMA!

SHKARKO APP

App Store
Google Play

E fundit!

x

Rreziku nga shpërthimi i murtajës së bagëtive/ Ngrihet Task Force për monitorimin e situatës

7 Gusht 2024, 18:51, Aktualitet CNA

Greqia po vijon të përballet me sëmundjen e murtajës së bagëtive të imëta. Kjo ka bërë që autoritetet shqiptare të kalojnë në gjendje gatishmërie.

Shërbimi Veterinar Rajonal Korçë-Elbasan-Berat ka ngritur një task forcë me 11 grupe në terren duke e përqendruar vëmendjen në akset nacionale.

Rreziku nga shpërthimi i murtajës së bagëtive/ Ngrihet Task

Kreu Rajonal, Spiro Hunçi, bën me dije se grupet e ngritura do të verifikojnë çdo rast të dyshimtë.

“Veterinerët janë në kontakt të vazhdueshëm. Janë njoftuar, janë lajmëruar që për çdo rast të dyshimtë që vërejnë, të njoftojnë menjëherë nëpër zyrat vendore të veterinarisë. Situatën jemi duke e ndjekur në terren. Kemi ngritur sigurisht një grup pune, në bashkëpunim me policinë. Do të jemi edhe në vazhdim. Aktualisht nuk kemi asnjë rast”, u shpreh Spiro Hunçi.

Rreziku nga shpërthimi i murtajës së bagëtive/ Ngrihet Task
Kreu Rajonal, Spiro Hunçi

Kreu i Shërbimit Veterinar Elbasan, Fatmir Ozuni, deklaron se veterinerët ndodhen në gjendje gatishmërie.

“Jemi në një gjendje alerti edhe në vendin tonë. Shërbimi veterinar, bazuar ligjit dhe urdhëresave dhe vendimit të qeverisë shqiptare ka marrë masa të menjëhershme për të qenë në kontrollin dhe sigurinë ushqimore, që shkon direkt te konsumatori”, theksoi Fatmir Ozuni.

Rreziku nga shpërthimi i murtajës së bagëtive/ Ngrihet Task
Kreu i Shërbimit Veterinar Elbasan, Fatmir Ozuni

Nëse rastet me murtajë ende nuk janë identifikuar në vendin tonë, ato me brucelozë janë aktive. Një vatër e re është shfaqur së fundmi në një stallë me bagëti të imëta në zonën e Korçës.

Përtej shqetësimit që ka përfshirë autoritetet dhe konsumatorin vendas, bëhet me dije se qytetarët nuk janë të rrezikuar nga murtaja dhe bruceloza, pasi në dyqane dhe tregje tregtohet mish i kontrolluar./ CNA





Lajmet e fundit nga