web counter
LEXO PA REKLAMA!

SHKARKO APP

App Store
Google Play

E fundit!

x

Policia, njoftim zyrtar për arrestimin e Noizy-t: Do të ekstradohet drejt Kosovës

7 Gusht 2024, 08:28, Aktualitet CNA
Policia, njoftim zyrtar për arrestimin e Noizy-t: Do të ekstradohet
Noizy

Policia ka dalë me një njoftim zyrtar në lidhje me arrestimin e reperit Rigles Rajku, i njohur ndryshe si Noizy.

Sipas policisë janë arrestuar 2 persona, Rigels Rajku nga Durrësi dhe shtetasi Bahtjar Bajraktari i njohur si DJ Crax nga Prishtina. Kapja dhe arrestimi i tyre u bënë me qëllim ekstradimin në Kosovë.

Këngëtari shqiptar akuzohet se në orët e para të mëngjesit të 2 gushtit, së bashku me mikun e tij me iniciale B.B. kanë sulmuar brutalisht Muhamet Isenin, i njohur ndryshe në “TikTok” si Medi. 

Për këtë ai u shpall në kërkim nga policia e Kosovës. Vetë këngëtari është shprehur se nuk ka lidhje me ngjarjen. 

Nga ana tjetër, Medi Iseni është shprehur se është “tradhtuar” nga një tjetër reper shqiptar, Arkimed Lushaj, i njohur me emrin e artit Stresi, i cili dyshohet se e ka ftuar për ta takuar, por ndërkohë ka qenë një “kurth”, për ta vendosur në të njëjtin ambient me Noizy-n dhe grupin e tij.

Njoftimi i Policisë:

Finalizohet operacioni policor i koduar "Fast".

Kapen nga Fast Albania dhe vihen në pranga 2 shtetas të kërkuar nga Policia e Kosovës.

Në vijim të operacioneve të njëpasnjëshme për kapjen e shtetasve të shpallur në kërkim, nga Drejtoria e Forcës së Posaçame Operacionale, Sektori për Kërkimin, Njësia "FAST Albania" në Departamentin e Policisë Kriminale në PSH, është marrë informacion nga FAST Kosova, për 2 shtetas të kërkuar për llogari të Kosovës, që mund të fshiheshin në Shqipëri.

Menjëherë, FAST Albania, bazuar në inteligjencën policore, bëri të mundur lokalizimin e 2 të kërkuarve, dhe në kuadër të operacionit policor "Fast", kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin R. R., nga Durrësi, dhe shtetasin B. B., nga Prishtina.

Kapja dhe arrestimi i tyre u bënë me qëllim ekstradimin në Kosovë./CNA 





Lajmet e fundit nga