web counter
LEXO PA REKLAMA!

SHKARKO APP

App Store
Google Play

E fundit!

x

Spiropali "zë mend" pas kritikave/ Fshin reagimin nga faqja e Kuvendit për Himarën

6 Gusht 2024, 12:44, Aktualitet CNA
Spiropali "zë mend" pas kritikave/ Fshin reagimin nga faqja e
Elisa Spiropali

Në faqen zyrtare të Kuvendit është fshirë reagimi i Elisa Spiropalit për zgjedhjet në Himarë, ku fitoi kandidati i PS-së, Vangjel Tavo.

Postimi i fundit në këtë faqe del më 2 gusht. Pra, pas kritikave, kryetarja e Kuvendit, Elisa Spiropali, ka urdhëruar që të fshihet mesazhi i saj me rastin e përfundimit të zgjedhjeve në Bashkinë e Himarës, i cili u bë më 4 gusht. 

Deklarata e bërë nga Spiropali ishte një koment me natyrë partiake dhe kishte konsiderata personale.

Ishte hera e parë në 34 vite pluralizëm që një kryetar Kuvendi, përmes një qëndrimi zyrtar në emër të Kuvendit shprehet për një proces zgjedhor, sidomos për një proces zgjedhor lokal që nuk ka lidhje dhe as ndikim në përbërjen e parlamentit.

Sipas Rregullores së Kuvendit, kryetari “përfaqëson Kuvendin, siguron respektimin e të drejtave të Kuvendit dhe të anëtarëve të tij. Ai kujdeset për zhvillimin e veprimtarisë parlamentare, në përputhje me Kushtetutën dhe Rregulloren e Kuvendit, si dhe për sigurimin e kushteve të nevojshme Kuvendit dhe strukturave të tij”.

Pra Spiropali reagoi si një socialiste, jo si zyrtare e lartë e shtetit. 

Spiropali "zë mend" pas kritikave/ Fshin reagimin nga faqja e

Reagimi i Spiropalit që është fshirë në faqen e Kuvendit: 

Kryetarja e Kuvendit, znj. Elisa Spiropali, mesazh me rastin e përfundimit të zgjedhjeve në Bashkinë e Himarës

“Zgjedhjet në Himarë përfunduan. Populli i Himarës foli, zgjodhi, dëshmoi atë që dihej dhe pritej: një kulturë të lartë politike, qytetare e demokratike.

E rëndësishme është që fushata dhe procesi ishin të qetë, të rregullt, me standardet e një shoqërie demokratike të një vendi anëtar të NATO-s, që përparon me shpejtësi drejt BE-së, të një vendi lider në rajon, që konsolidon pareshtur vlerat dhe institucionet e demokracisë liberale.????????

Urime të përzemërta Kryetarit të ri të Bashkisë, kolegut dhe mikut Vangjel Tavo, për fitoren. Punë të mëdha të presin, i merituar Kryetar, për progresin dhe mirëqenien e njësive administrative Himarë, Lukovë dhe Horë-Vranisht, të të gjithë himarjotëve, pa dallim. Përgëzime qytetarëve të Bashkisë Himarë për kulturën e lartë qytetare, tolerante, patriotike dhe demokratike.”/CNA 





Lajmet e fundit nga