web counter
LEXO PA REKLAMA!

SHKARKO APP

App Store
Google Play

E fundit!

x

Gara në Himarë/ Gjikuria: Rezultati, produkt i transformimit të listës së zgjedhësve

5 Gusht 2024, 18:19, Aktualitet CNA
Gara në Himarë/ Gjikuria: Rezultati, produkt i transformimit të
Fotomontazh - Vangjel Tavo dhe Petro Gjikuria

Petro Gjikuria, kandidati i opozitës për Himarën, ka reaguar lidhur me rezultatin zgjedhor, ku fitues u shpall Vangjel Tavo i Partisë Socialiste.

Me anë të një statusi në rrjetet sociale, Gjikuria thotë se beteja ishte e madhe dhe se në zgjedhje pati metoda antidemokratike.

Sipas tij, rezultati është produkt i transformimit të listës së zgjedhësve, me qëllim përshtatjen e saj me interesat e PS-së.

“Patëm një betejë të madhe. Një betejë e cila ishte vazhdim i shumë betejave të mëdha që kanë bërë himariotët, sidomos vitet e fundit të udhëhequr nga Fredi Beleri. Kjo betejë ishte pararojë e betejave të ardhshme që do të thirremi për vendin tonë.

Në këto zgjedhje pamë metoda antidemokratike në të gjitha stadet e tyre. Rezultati ishte produkt i transformimit të listës së zgjedhësve me qëllim përshtatjen e saj me interesat e kundërshtarëve tanë, duke i dhënë mundësinë një ushtrie partiake të merrte pjesë në zgjedhje dhe njëkohësisht, duke u mohuar këtë të drejtë mijëra qytetarëve të Himarës, si dhe duke përfshirë shtetin dhe parashtetin. Qëllimi ishte patja e një tjetër kryebashkiaku të dobët, i cili do t’u shërbejë interesave të Edi Ramës dhe partisë së tij.

Dëshiroj të falënderoj të gjithë ata që ndihmuan në këtë fushatë elektorale për garën e bukur dhe të ndershme që bëmë. Beteja për të nesërmen e Himarës vazhdon.”, thekson Gjikuria.

Kujtojmë se zgjedhjet në Himarë i fitoi Tavo me 5022 vota, ndërsa Gjikuria mori 3545 vota./ CNA





Lajmet e fundit nga