E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Erion Veliaj, vrasësi i qenve/ "Gjenocidi" i 6 viteve më parë

5 Gusht 2024, 13:04, Aktualitet CNA

Erion Veliaj, vrasësi i qenve/ "Gjenocidi" i 6 viteve më

Erion Veliaj dhe qentë e rrugës

Erion Veliaj, vrasësi i qenve, publikoi këtë të hënë një video të montuar, ku bënte thirrje që duhet të kujdesemi për katërputroshët dhe se nuk duhet t'i braktisim ata apo t'i keqtrajtojmë.

"Te streha e kafshëve me standarde evropiane për kafshët. Mos i braktisni në rrugë, por sillini te streha për adoptim! Le të kujdesemi për miqtë tanë katërputroshë", theksoi ndër të tjera kreu i Bashkisë së Tiranës, duke vijuar kështu me propagandën e tij, që në fakt jo pak herë ka dalë zbuluar.

Erion Veliaj, te streha që ndodhet në zonën e Tufinës

Ai shtiret sikur është i kujdesshëm ndaj kafshëve dhe se institucioni që ai drejton merr masat e duhura. Por në fakt ky është një mashtrim i radhës i Veliajt, që kërkon t'u hedhë hi syve qytetarëve të Tiranës, pasi 6 vite më parë ai bëri atë që quhet "gjenocid" ndaj qenve në Tiranë. (lexo këtu)

Sot del dhe flet për strehim edhe madje përdor edhe termin adoptim.

Këto veprime të rënda të Veliajt, që duhet të hetoheshin nga organet kompetente, CNA i ka raportuar jo pak herë, ku është denoncuar me zë dhe figurë se si në 2018, qentë kapeshin me argumentin se do të vaksinoheshin, sterilizoheshin dhe matrikulloheshin, por në vend të kësaj gjenin dorën vrastare.(lexo këtu)

Punonjësit e bashkisë u injektonin acid baterish apo i lagnin me ujë dhe më pas i godisnin me elektroshok, duke u marrë jetën. Kjo ka qenë mënyra që Bashkia e Tiranës zgjodhi për të vrarë qentë, ndonëse paguhet për kujdesin ndaj tyre. Sigurisht kjo me urdhër të Veliajt, i cili përveç kësaj njihet për aferat korruptive dhe skandalet në institucionin që ai drejton.

Lali deklaroi se një qen i kushtonte bashkisë 50 euro përkujdesje në një ditë. Por nuk dihet se ku shkuan ato para, pasi qentë u vranë dhe nuk morën asnjë përkujdesje. Në media u raportua nga 11 mijë qen endacakë, 10500 u vranë nga Bashkia e Tiranës, një shifër shumë e madhe, që tregon edhe njëherë fytyrën e vërtetë të Erion Veliajt.

Por skandali i Veliajt, nuk mbaroi me kaq.

Pasi i eliminoi këto kafshë kaq të dashura për publikun, në prill të 2018 u denoncua me video dhe foto se si kamionçinat transportonin me dhjetëra trupa qensh të futur në qese të cilat hidheshin në Sharrë. Kështu vendgrumbullimi i mbetjeve u kthye në një vatër infeksionesh. (lexo këtu)

Foto e vitit 2018

Por edhe pse gjithçka u denoncua me prova, fakte dhe video, Veliaj nuk hezitoi që të dilte publikisht dhe të theksonte se gjithçka ishte e pavërtetë.(lexo këtu)

Por të njëjtën gjë nuk heziton ta bëjë edhe pas 6 vitesh. Sikur të mos kishte ndodhur asgjë, ai na del sot dhe na thotë se qentë duhet të mbrohen.

Theksojmë këtu që situata me qentë në rrugët e Tiranës vijon të ngelet problematike. Ka shumë qen endacakë që enden rrugëve të kryeqyetit, lëvizin tufa-tufa. Përveçse mbartin një sërë sëmundjesh, ata janë një rrezik edhe për qytetarët.

Prandaj Veliaj në vend që të dalë dhe të bëjë propagandë, duhet të kujdeset realisht për këto kafshë të pambrojtura. Por gjithsesi një vrasës kafshësh nuk mund të ketë kurrë përkujdesje ndaj këtyre të fundit./CNA