web counter
LEXO PA REKLAMA!

SHKARKO APP

App Store
Google Play

E fundit!

x

SPAK-u sekuestroi 1 milion euro/ Paratë u gjetën të groposura në banesën e "Darit të Elbasanit"

7 Gusht 2024, 09:29, Aktualitet CNA
SPAK-u sekuestroi 1 milion euro/ Paratë u gjetën të groposura
SPAK

Detaje të reja kanë dalë nga operacioni i SPAK-ut, i zhvilluar pak ditë më parë, ku u sekuestruan 1 milion euro. Në këtë operacion SPAK-u goditi organizatën kriminale, e cila kishte bazën në qytetin e Elbasanit dhe që drejtohej nga vëllezërit Çopja. 

Gazetari Elton Qyno raporton se sasia prej mbi 1 milion euro e sekuestruar nga SPAK-u gjatë operacionit “Gordonët”, u gjet në banesën e Hajdar Bakos (Çopja), i njohur ndryshe si Dari i Elbasanit. 

Shuma e eurove ishte groposur në oborrin e shtëpisë së Bakos, por gjatë kontrolleve nga oficerët e policisë është bërë zbulimi i kartmonedhave të ndryshme që ishin fshehur në oborrin e shtëpisë.

Gjithë sasia e madhe e parave është mbyllur në një llogari bankare që administrohet nga SPAK-u.

Prokurorët e SPAK-ut dyshojnë duke u bazuar edhe në bisedat “SKY” se ata kanë zbardhur dhe linjën e transferimit të parave nga disa shtete të huaja drejt Shqipërisë.

Nga hetimet ka rezultuar se një gjë e tillë është kryer përmes një pike të këmbimit valuator (Exchange), që administrohet nga Maklen Mici dhe Bashkim Lika, të dy të vënë nën hetim nga SPAK-u për akuzën e “Pastrimit të produkteve të veprës penale”./CNA 

 





Lajmet e fundit nga