web counter
LEXO PA REKLAMA!

SHKARKO APP

App Store
Google Play

E fundit!

x

Aldor Nini, në gjykatë si përndjekës

5 Gusht 2024, 13:36, Acromax / Aldor Nini CNA
Aldor Nini, në gjykatë si përndjekës
Aldor Nini

Aldor Nini i kompanisë "Acromax" tashmë është në dyert e gjykatave si përndjekës. CNA ka mësuar se është hedhur shorti në Gjykatën Penale të Shkallës së Parë Tiranë, nga ku është vendosur që më 12 shtator të zhvillohet seanca e parë ndaj përndjekësit Nini. 

Ky i fundit akuzohet si përndjekës në jo pak raste dhe për të ka pasur disa kallëzime në polici dhe prokurori. Pra, ai është një person që ka probleme me drejtësinë dhe duhet të përballet me të. 

Drejtuesi i "Acromax"-it është thirrur edhe në prokurori ku i është komunikuar akuza e përndjekjes dhe për këtë ai rrezikon deri në 4 vite burg. (lexo këtu)

Më poshtë po ju tregojmë rastet për Aldor Ninin, i njohur ndryshe si përndjekësi i grave. Problemet me drejtësinë ai nuk i ka pasur të pakta. 

Gjyqi me ish-bashkëshorten

A.F., ish-bashkëshortja e Aldor Ninit, e denoncoi këtë të fundit për dhunë psikologjike dhe përndjekje të vazhdueshme, ndërsa ngriti edhe dyshime se “në mjetin e saj mund të kishte një pajisje, e cila kontrollon lëvizjet e saj”.

Gjatë kontrollit të mjetit të saj nga policia, u konstatua se “në pjesën e poshtme të pasme të mjetit, në afërsi të prapakolpit, ishte fiksuar me magnet një pajisje si ato të GPS”. Për këtë çështje, Aldor Nini shkoi në gjyq me ish-bashkëshorten e tij. 

Arrestimi nga policia

Pëndjekësi Nini është denoncuar për përndjekjen dhe shantazhin publik që u ka bërë vajzave me të cilat ka pasur lidhje dhe histori rozë.(lexo këtu)

Aldor Nini është personi që u arrestua në datën 4 korrik të 2023-shit, pasi ish-bashkëjetuesja me iniciale S.B., e denoncoi për përndjekje dhe dhunë. Ai u mbajt në burg nga policia, pasi i publikoi video ish-bashkëjetueses, pa pëlqimin e saj. Më 7 korrik të 2023-shit, Gjykata e Tiranës dha masën e sigurisë “arrest shtëpie” për Aldor Ninin, deri në depozitimin e garancisë pasurore.

Nën akuzat për përndjekje dhe dhunë ndaj ish-bashkëjetueses së tij, Aldor Ninit iu ndalua dalja nga territori i Shqipërisë pa autorizimin e gjyqtarit, masë kjo që do të zbatohet gjatë kohës që ai do të jetë nën masën e sigurimit "garancia pasurore”.  

Skandali me vajzën

Në maj të këtij viti, Aldor Nini është kallëzuar për rrëmbimin e vajzës së tij. Familjarët e ish-bashkëshortes kanë deklaruar në polici se drejtuesi i “Acromax”-it ka marrë vajzën e mitur më 26 maj, ditën kur kishte edhe takimin sipas gjykatës, por nuk ka pranuar ta kthejë mbrapsht. Për këtë arsye, ai do të përballet me një tjetër akuzë penale.

Aldor Nini, një vegël politike dhe sulmues ndaj medias

Gjithashtu ai është një përndjekës i fjalës së lirë, duke shantazhuar jo pak media në vend, gjoja në emër të së drejtës së autorit. Tani duhet të përballet edhe me togat e zeza. 

Endet në dyert e prokurorive dhe gjykatave duke rrezikuar burgun. Me kompaninë e tij "Acromax" ai ka keqpërdorur besimin e klientëve, ka sulmuar mediat për interesa klienteliste. Shpeshherë është shfaqur edhe si avokati i inceneratorëve apo mbrojtësi i Veliajt. 

Ndaj tij janë kryer edhe disa kallëzime të tjera. Ai ka përballje në gjykata edhe me artistë të shumtë, të cilët e kanë paditur për marrjen me të padrejtë të veprave të tyre artistike.

Përveç kësaj, Aldor Nini është denoncuar shpeshherë nga mediat për sulme ndaj tyre në emër të të drejtave të autorit, mes të cilave edhe CNA. 

CNA ka paralajmëruar se do të ndjekë rrugën ligjore me përdjekësin Nini, pasi prej disa muajsh vijon një sulm kriminal ndaj rrjeteve sociale tona gjoja në emër të së drejtës së autorit. Ai do të paguajë çdo lloj kostoje apo fature financiare dhe dëmi të shkaktuar nga të tilla raste keqpërdorimi të së drejtës së autorit prej tij dhe prej kujtdo tjetër që mendon se mund të luftojë fjalën e lirë duke abuzuar me një platformë "online"./CNA 

 





Lajmet e fundit nga