web counter
LEXO PA REKLAMA!

SHKARKO APP

App Store
Google Play

Përndjekësi Aldor Nini i "Acromax", sot para Gjykatës

8 Tetor 2024, 09:53, Aktualitet CNA
Përndjekësi Aldor Nini i "Acromax", sot para Gjykatës
Aldor Nini në gjykatë

Këtë të martë do të zhvillohet seanca e dytë gjyqësore ndaj Aldor Ninit të “Acromax”-it, njeriut që akuzohet nga Prokuroria për përndjekjen e ish-të fejuarës së tij.

Burime bëjnë me dije për CNA-në se seanca do të zhvillohet në orën 14:00, në Gjykatën e Tiranës, ndërsa të pandehur janë Aldor Nini, CEO i kompanisë “Acromax” dhe Xhulia Dauti, e cila ka qenë punonjëse e tij.

Në ngarkim të të pandehurit Aldor Nini rëndon akuza për veprën penale “përndjekja” parashikuar nga neni 121/A/2 i Kodit Penal, ndërsa në ngarkim të të pandehurës Xhulia Dauti rëndon akuza për “ndërhyrje e padrejtë në jetën private”, parashikuar nga neni 121/A/2 i Kodit Penal.

Aldor Nini u arrestua nga policia më 5 korrik 2023, pasi u denoncua nga shtetasja S. B. për përndjekje, por më pas u lirua nga gjykata me garanci pasurore. (Lexo këtu)

Përndjekësi Aldor Nini i "Acromax", sot para Gjykatës
Aldor Nini në sallën e gjyqit, burimi CNA

Nga të dhënat e dosjes hetimore, Aldor Nini rezulton se ka përndjekur ish-të fejuarën e tij me iniciale S. B. dhe ka publikuar në rrjetet sociale materiale denigruese për këtë të fundit.

Në dosje thuhet se shtetasi Aldor Nini këtë gjë e ka bërë në bashkëpunim me shtetasen Xhulia Dauti, të cilën e ka pasur punonjëse të kompanisë “Acromax” dhe të fejuarin e Xhulias, shtetasin A. S. (Lexo këtu)

Sipas përgjigjeve të kthyera nga “Meta Platform” rezulton se materialet janë hedhur nga një numër i caktuar, i cili është i regjistruar në emër të kompanisë “Acromax” sh.p.k., me administrator Aldor Ninin.

Përndjekësi Aldor Nini i "Acromax", sot para Gjykatës
Aldor Nini në sallën e gjyqit, burimi CNA

Gjithashtu, në dosjen hetimore theksohet se videot dhe materialet përndjekëse janë publikuar në ambientet në afërsi të zyrave të “Acromax”, apo dhe në adresën e shërbimit të internetit, në shtëpinë e shtetases Xhulia Dauti. (Lexo këtu)

Për përndjekjen e shtetases S. B. çështja po gjykohet në Gjykatën e Tiranës dhe sot do të mbahet seanca e radhës, pas asaj të zhvilluar më 30 shtator 2024./ CNA





Lajmet e fundit nga