web counter
LEXO PA REKLAMA!

SHKARKO APP

App Store
Google Play

E fundit!

x

Aldor Nini i Acromax përpara gjykatës si përndjekës/ Zbulohet data

28 Shtator 2024, 11:29, Aktualitet CNA
Aldor Nini i Acromax përpara gjykatës si përndjekës/
Aldor Nini në sallën e gjyqit, burimi CNA

Në datën 30 shtator, në orën 12:45, në Gjykatën Penale të Tiranës do të zhvillohet seanca në ngarkim të shtetasit Aldor Nini, i cili akuzohet për përndjekje dhe gjyqtarja që shqyrton çështjen është Enkeleida Dalipi. (Lexo këtu)

Mësohet se është çuar për gjykim çështja penale nr. 42 75 e vitit 2023, regjistruar për veprën penale “përndjekja” parashikuar nga neni 121/A/2 i Kodit Penal, në ngarkim të të pandehurit Aldor Nini dhe “ndërhyrje e padrejtë në jetën private”, parashikuar nga neni 121/A/2 i Kodit Penal, në ngarkim të të pandehurës Xhulia Dauti.

Aldor Nini i Acromax përpara gjykatës si përndjekës/
Akuza e Prokurorisë

Kërkues është Prokuroria e Shkallës së Parë e Juridiksionit të Përgjithshëm Tiranë.

Sipas të dhënave zyrtare që CNA ka mundur të sigurojë, nga hetimi i kryer nga prokurori Bledar Maksuti, i cili tashmë do të jetë një nga prokurorët e SPAK-ut, çështja ka filluar të hetohet rreth një vit e gjysmë më parë, pra në vitin 2023. (Lexo këtu)

CNA ka mundur të sigurojë nga gjykata të dhënat e një pjese hetimore, të cilat tregojnë se Aldor Nini ka përndjekur ish-të fejuarën e tij S. B.

Nga të dhënat që prokuroria ka mundur të sigurojë nga “TikTok” dhe “Facebook” rezulton se te një ambient në “Sophie Caffe” janë shpërndarë në rrjetin “Facebook” video në lidhje me viktimën.

Sipas detajeve të prokurorisë, janë hetuar shërbimet e internetit të kompanisë “TIBO”, si dhe të kompanisë “Digicom” në ambientet të cilat kanë hedhur videot apo kanë shërbyer për krijimin e faqes “Limoni i Artë” në rrjetin social “Instagram”.

Burimet bëjnë të ditur se Aldor Nini duket se ka qenë në bashkëpunim me shtetasen Xhulia Dauti, të cilën e ka pasur punonjëse të kompanisë “Acromax” dhe shtetasin tjetër A. S., të fejuarin e Xhulias.

Aldor Nini i Acromax përpara gjykatës si përndjekës/
Aldor Nini në sallën e gjyqit, burimi CNA

Sipas përgjigjeve të kthyera nga “Meta Platform” rezulton se materialet janë hedhur nga një numër i caktuar, i cili është i regjistruar në emër të kompanisë “Acromax” sh.p.k., me administrator Aldor Ninin.

Sipas të dhënave, videot dhe materialet përndjekëse janë publikuar në ambientet në afërsi të zyrave të “Acromax”, apo dhe në adresën e shërbimit të internetit, në shtëpinë e shtetases Xhulia Dauti.

Sipas hetimeve nga prokuroria, rezulton se në datë 29 qershor të vitit 2023, nëpërmjet telefonave kanë përdorur rrjetin social “Facebook” dhe kanë shpërndarë pamje denigruese ndaj viktimës S.B.

Duke përdorur interenetin e “Sophie Caffe” që përmendëm më sipër, më datë 28 qershor kanë krijuar në rrjetin social “Instagram” faqen “Limoni i Artë” duke përdorur adresën e shtëpisë ku bashkëjetonte shtetasja Xhulia Dauti me shtetasin A. S., dhe të tjera të dhëna që CNA tashmë i disponon të plota, që i janë drejtuar Gjykatës të Tiranës, ku do të jetë Enkeleda Dalipi e cila do të vendosë në këtë rast.

E thënë me pak fjalë, Prokuroria në rreth 1 vit e gjysmë ka mundur nëpërmjet hetimeve, drejtuar edhe platformave të rrjeteve sociale, duke marrë në pyetje dhe personat e përfshirë si Aldor Nini, Xhulia Dauti dhe bashkëjetuesin e kësaj të fundit A.S., të sigurojë të dhëna të plota në lidhje me përndjekjen e shtetases S. B., dhe tashmë çështja pasi është hetuar dhe pas informacioneve që shpesh ka publikuar CNA, është çuar në gjykatë.

Aldor Nini i Acromax përpara gjykatës si përndjekës/
Aldor Nini në Prokurorinë e Tiranës, burimi LSA

Shtetasi Aldor Nini u arrestua më 5 korrik 2023, por më pas u lirua nga gjykata me garanci pasurore. Shtetasi Aldor Nini është CEO i kompanisë “Acromax”. Ky i fundit njihet jo vetëm për përndjekjet e bëra ndaj bashkëjetueseve të tij. Kujtojmë se ish-e fejuara ka qenë me një urdhër mbrojtjeje, gjithashtu shtetasja S. B. ka bërë kallëzim për përndjekje.

Nga ana tjetër, Aldor Nini vazhdon të ketë në dorë një platformë mjaft të rëndësishme në lidhje me rrjetet sociale, siç janë platformat “YouTube”, “Meta”, etj., ku pretendohet nga shumë media për përndjekjet që ai bën./ CNA





Lajmet e fundit nga