E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Gjykata e Lartë prish vendimin për drejtorët e Veliajt/ Këlliçi: Kamikazë, drejtësia në Shqipëri ka vdekur

27 Shtator 2024, 20:10, Aktualitet CNA

Gjykata e Lartë prish vendimin për drejtorët e Veliajt/

Belind Kelliçi

Drejtuesi politik i PD-së për Tiranën, Belind Këlliçi ka reaguar pas vendimit të Gjykatës së Lartë për të prishur vendimin e Apelit të GJKKO për lënien në fuqi të masës “arrest me burg” për dy drejtorët e Erion Veliajt, Mariglen Qaton dhe Redi Mollën.

Këlliçi shkruan në rrjetet sociale që kamikazët e regjimit në Gjykatën e Lartë, po marrin vendim për të lehtësuar dhe liruar nga burgu dy prej aktorëve kryesorë të Grupit të Strukturuar Kriminal 5D.

Këlliçi thekson se e gjitha kjo po bëhet për të lehtësuar anëtarët e Grupit të Strukturuar Kriminal 5D dhe është në të njëjtën linjë vendimi për amnistinë e hajdutëve në pushtet dhe goditjen e kujtdo opozitari që ngre zërin e denoncon vjedhjen dhe krimin e organizuar.

Në mbyllje të postimit të tij, Këlliçi shkruan se drejtësia në Shqipëri përfundimishr ka vdekur.

“Në kulmin e debatit publik, ditën kur deputeti i PD-së Ervin Salianji dënohet dhe shoqërohet për në burg vetëm përse denoncoi vëllain trafikant droge të komunistit Fatmir Xhafaj, ditën kur e tërë vëmendja e medias është e fokusuar tek ky skandal i paprecedentë politiko-juridik, kamikazët e regjimit në Gjykatën e Lartë, marrin vendim për të lehtësuar dhe liruar nga burgu dy prej aktorëve kryesorë të Grupit të Strukturuar Kriminal 5D.

Sot, vetëm 24 orë pas vendimit politik të Gjykatës së Apelit, një tjetër gjykatë politike, Gjykata e Lartë vendos prishjen e vendimit të Apelit të Posaçëm që la në burg hajdutët e 5D.

E gjitha kjo bëhet për të lehtësuar anëtarët e Grupit të Strukturuar Kriminal 5D dhe është në të njëjtën linjë vendimi për amnistinë e hajdutëve në pushtet dhe goditjen e kujtdo opozitari që ngre zërin e denoncon vjedhjen dhe krimin e organizuar.

Drejtësia në Shqipëri përfundimisht ka vdekur!

Tashmë nuk ka shqiptar që nuk e kupton që jetojmë në regjim!”, shkruan Këlliçi./ CNA