web counter
LEXO PA REKLAMA!

SHKARKO APP

App Store
Google Play

Sulmet e Aldor Ninit dhe “Acromax”-it ndaj CNA-së/ Reagon ashpër Shoqata e Gazetarëve Profesionistë

2 Tetor 2024, 21:56, Aktualitet CNA

Sulmet e Aldor Ninit dhe “Acromax”-it ndaj CNA-së/ Reagon

Shoqata e Gazetarëve Profesionistë të Shqipërisë ka dalë me një deklaratë për mbylljen e llogarive në rrjetet sociale të CNA-së nga Aldor Nini dhe kompania “Acromax”.

Gazetarët Profesionistë të Shqipërisë i kanë parë me shqetësim këto sulme censuruese, të cilat i quajnë të paprecedenta dhe të papranueshme.

Kjo shoqatë ka deklaruar se sulmet e Aldor Ninit dhe “Acromax”-it cënojnë parimin kushtetues së të drejtës për infomim, për fjalën e lirë dhe lirinë e medias.

Shoqata e Gazetarëve Profesionistë të Shqipërisë i ka bërë thirrje ligjvënësve që të reagojnë dhe të veprojnë për të garantuar mirëfunksionimin e mediave.

“Raportimet për sulme digjitale dhe mbyllje të llogarive online të portalit CNA janë tejet shqetësuese dhe janë të përsëritura edhe ndaj mediave të tjera.

Ky është një veprim i paprecedentë, i papranueshëm në një shtet të së drejtës, ku gjykatat duhet të jenë ato që vendosin për kufizime të tilla, që cënojnë parimin kushtetues së të drejtës për infomim, për fjalën e lirë dhe lirinë e medias.

Shoqata e Gazetarëve Profesionistë të Shqipërisë i bën thirrje ligjvënësve që të reagojnë dhe të veprojnë për të garantuar mirëfunksionimin e mediave, qoftë edhe me rregullime ligjore, pasi akte të tilla janë veprime të pastra censure që ulin më tej reputacionin e Shqipërisë sa i takon lirisë së medias dhe na paraqesin si një vend rrumpallë ku individë apo palë të caktuara veprojnë lirisht mbi norma e ligje”, ka nënvizuar Shoqata e Gazetarëve Profesionistë të Shqipërisë./ CNA





Lajmet e fundit nga