E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

“Birra e Gjyshit”, në “Global Albanian Gastronomy”/ 100% artizanale, synohet të konkurrojë birrat gjermane

2 Tetor 2024, 18:00, Aktualitet CNA

Në Berlin të Gjermanisë zhvillohet “Global Albanian Gastronomy”, një panair gastronomie, ku marrin pjesë më shumë se 100 biznese shqiptare, nga Kosova, Maqedonia e Veriut dhe diaspora, të cilat kanë ngritur stendat për të promovuar produktet e tyre.

CNA e ka raportuar panairin e gastronomisë që është mbajtur “Arena Halle” të Berlinit, një rast shumë i mirë promovimi i bizneseve shqiptare, që ushtrojnë aktivitete në fusha të ndryshme.

Gazetari Elvi Fundo ka shkuar në “Arena Halle” të Berlinit për të parë nga afër këtë panair. Mes shumë stendave ishte edhe “Birra Gjyshi”, një prodhim artizanal dhe me shije të veçantë për adhuruesit e këtij produkti.

Birra prodhohet në qytetin e Pogradecit. Kjo birrë artizanale vjen me dy lloje.

“Birra e Gjyshit është artizanale dhe lindi si dëshirë për të konsumuar një produkt të veçantë dhe të shëndetshëm, dhe sidomos për të konsumuar një produkt biologjik. Prodhohet në Pogradec”.

“Birra e Gjyshit”, në “Global Albanian Gastronomy”/

Ky produkt ka hyrë në tre që prej vitit 2019 dhe synon të depërtojë në tregun ndërkombëtar, e pse jo të konkurrojë edhe birrat gjermane me të veçantën që konsiton në prodhimin dhe përbërjen e saj.

“Birra ka hyrë në treg që në vitin 2019. Kjo është arsyeja pse jemi këtu. Birrat gjermane nuk mund t’i imitosh, por ne kemi një stil të veçantë për një treg që i pëlqen birra artizanale dhe mund t’i afrohet se është diçka e veçantë. Është një birrë e pafiltruar, pa konservantë, është natyrale. Këto janë dy stile belge me 4.4% alkool dhe 5.5% alkool”.

Birraria e Gjyshit lindi në vitin 2019 nga dëshira dhe pasioni për të krijuar dhe shijuar një zeje dhe birrë të shëndetshme, recetat e birrës së Gjyshit janë unike.

Kjo është fabrika e parë e birrës në Shqipëri, që ka eksperimentuar dhe futur në treg stilet e birrave me fermentim të lartë si Ipa, Apa, Belge.

Prodhimi i birrës bëhet duke përdorur metodën klasike të gatimit 100% artizanale. Fermentimi bëhet në dy faza, pasi birra është e pafiltruar dhe e papasterizuar. Ngjyra dhe karakteri i tij është rezultat i përzierjes së disa llojeve të malteve të veçanta, ndërsa aroma unike mundësohet nga përdorimi i disa prej kolibrave prestigjiozë./ CNA