web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese, në ujërat e Rilindjes

2 Tetor 2024, 14:49, Aktualitet CNA

Gjykata Kushtetuese, në ujërat e Rilindjes

Të gjithë tashmë janë të bindur se Gjykata Kushtetuese është një institucion që u mor peng nga mazhoranca socialiste, u mor peng nga Rilindja për muaj të tërë në përplasjen me ish-Presidentin Ilir Meta, më pas u plotësuan vakancat, tani po shpërthejnë skandale një pas një.

Gjykata Kushtetuese, në ujërat e Rilindjes
Ilir Meta

Vendimet e Gjykatës Kushtetuese që në fakt janë qesharake, të gjitha duken si veprime pro qeverisë.

Një mazhorancë, që një institucion të vetëm të pavarur të drejtësisë, garantues të Kushtetutës nuk e lejon dot prandaj dhe sot, Gjykata Kushtetuese është në ujërat e “Rilindjes”, për disa arsye.

Së pari për hetimet e  SPAK-ut. Për ata që çuditen duhet ta dinë. Ka mesazhe në “Enchrochat”, në “SKY ECC” e të tjerë, ka ish-ministrat e Ramës, zyrtarë politikë dhe gjyqtarë apo prokurorë siç patëm në dosjen “Metamorfoza”, prandaj dhe “Rilindja po kujdeset shumë për Gjykatën Kushtetuese. Së pari, në lojën e Gjykatës së Lartë dhe më pas tek Gjykata Kushtetuese.

Çfarë do të bëjë Rilindja?

Tërheq me dorëheqje një anëtare të saj, shpall vakancat për ndonjë vend tjetër, bën lëvizje taktike. Të gjitha kanë një qëllim. Kapjen e Gjykatës Kushtetuese dhe kjo duhet për të pasur një qëllim final.

Qëllimi final është rrëzimi nga Gjykata Kushtetuese e "SKY ECC", "Encrochat", rrëzimi nga Gjykata Kushtetuese i hetimeve apo dënimeve që mund të jepen nga Gjykata e Lartë për zyrtarët e korruptuar dhe qëllimi është të shpëtohen personazhe politikë të PS-së, të Rilindjes ndaj dhe është ngritur komisioni “Xhafaj”, ndaj dhe goditet Gjykata Kushtetuese, ndaj dhe kemi një agresivitet të pushtetit para zgjedhjeve ndaj institucioneve të pavarura dhe lojëra me Gjykatën Kushtetuese. Një lojë e rrezikshme duke shkatërruar një institucion siç është Gjykata Kushtetuese që duhet të garantonte qytetarët për Kushtetutën e tyre e cila tashmë është kthyer as më shumë as më pak në një letër higjienike e vendosur në tualetin e Rilindjes, që e përdor sa herë të ketë nevojë futësi i radhës në tualet.

Por duket se tashmë Rilindja kërkon të shpëtojë të gjitha mbetjet e saj të kapura në përgjime dhe për të shkatërruar SPAK-un si të vetmin institucion të pakapur deri më tani në segmente të caktuara nga mazhoranca./ CNA





Lajmet e fundit nga