web counter
LEXO PA REKLAMA!

SHKARKO APP

App Store
Google Play

Sulmet e Aldor Ninit dhe “Acromax”-it ndaj CNA-së/ Klodian Tomorri: Turp i madh, do rregullim ligjor

1 Tetor 2024, 21:28, Aktualitet CNA
Sulmet e Aldor Ninit dhe “Acromax”-it ndaj CNA-së/ Klodian
Gazetari Klodian Tomorri

Gazetari Klodian Tomorri ka reaguar për sulmet e njëpasnjëshme të Aldor Ninit dhe kompanisë së tij “Acromax” ndaj CNA-së, që kanë rezultuar me mbylljen e faqeve në “TikTok”, YouTube” dhe “Facebook”, si dhe goditjen e “Instagram”-it.

Tomorri deklaron se këto sulme janë shqetësuese, ndërsa thekson se nuk është rasti i parë që ndodh.

Ai deklaron me anë të një statusi në rrjetet sociale se një media nuk mund të kufizohet nga një kompani private.

Gazetari nënvizon se sulmet ndaj CNA-së janë një turp i madh që duan rregullim ligjor.

“Portalit CNA raportohet se i kanë mbyllur faqen në ‘Facebook’. Kjo histori po bëhet një shqetësim shumë i madh se nuk është rasti i parë.

Këtu ka ndodhur një deformim i madh. Autoritetin për të kufizuar ose jo një media duhet ta ketë vetëm gjykata, pas një procesi të ligjshëm. Madje në vendet si Shqipëria edhe gjykata përbën rrezik.

Nuk mund ta kenë palë të treta fuqine për të mbyllur media. Privat jo e jo, por as institucione publike përtej gjykatës. Është turp i madh ky dhe do një rregullim ligjor”, nënvizon Klodian Tomorri.

Sulmet e Aldor Ninit dhe “Acromax”-it ndaj CNA-së/ Klodian

Më herët në mbështetje të CNA-së kanë dalë edhe organizatat si Asociacioni i Gazetarëve Shqiptarë, Këshilli Shqiptar i Medias dhe Safe Journalist”.

Gjithashtu, edhe gazetarë si Klodiana Lala dhe Isa Myzyraj kanë dënuar sulmet e Aldor Ninit dhe “Acromax”-it që vijojnë prej tre muajsh./ CNA





Lajmet e fundit nga