web counter
LEXO PA REKLAMA!

SHKARKO APP

App Store
Google Play

E fundit!

x

Opozita bojkoton komisionet/ Vokshi: Mbledhjet pa ne janë nul

1 Tetor 2024, 13:09, Aktualitet CNA

Opozita bojkoton komisionet/ Vokshi: Mbledhjet pa ne janë nul

Opozita ka nisur aksionin e saj opozitar dhe po pengon dhe bojkoton mbledhjet e komisioneve hetimore si dhe seancat parlamentare.

Sot do të mbahej mbledhja e komisionit hetimor për sterilizimin dhe "check up"-in, por kryetarja Albana Vokshi nuk është bërë pjesë e mbledhjes.

Nëpërmjet një mesazhi të dërguar në grupin e përbashkët të punës, Vokshi shprehet se ka kërkuar që mbledhja të mos zhvillohej pa dëshmimtarë.

Vokshi shkruan se çdo mbledhje e organizuar pa konsensusin e opozitës nuk do të njihet prej tyre dhe do të jetë NUL.

“Përshëndetje kolegë, pas refuzimit të kërkesave të përsëritura nga ana ime për të mos u zhvilluar mbledhja e djeshme, dhe zhvillimit të njëanshëm të mbledhjes dhe uzurpimit të drejtimit të Komisionit pa konsensusin e opozitës, ju njoftoj që ne nuk japim më konsensus për t’u zhvilluar mbledhjet e Komisionit Hetimor nën drejtimin e maxhorancës. Çdo mbledhje e organizuar pa konsensusin tonë nuk do të njihet prej nesh e do të jetë NUL”, shkruan Vokshi./ CNA





Lajmet e fundit nga