web counter
LEXO PA REKLAMA!

SHKARKO APP

App Store
Google Play

Këshilli Shqiptar i Medias, në mbështetje të CNA-së/ “Bllokimi i faqeve online, akt censure"

30 Shtator 2024, 21:10, Aktualitet CNA
Këshilli Shqiptar i Medias, në mbështetje të CNA-së/
Fotomontazh

CNA, prej gati tri muajsh po përballet me një sulm kriminal të dirigjuar nga Aldor Nini i “Acromax”-it.

Për shkak të këtij sulmi, CNA-së i është mbyllur faqja në “TikTok”, iu është goditur “Instagrami”, i është mbyllur “YouTube” dhe sot edhe faqja në “Facebook”.

Për këtë sulm të përsëritur ka reaguar i shqetësuar Këshilli Shqiptar i Medias.

Me anë të një deklarate, KSHM i cilëson veprimet e Aldor Ninitë të “Acromax”-it si akt censure.

KSHM thekson se mbyllja e rrjeteve sociale pa një vendim gjykate përbën një shkelje të pastër të lirisë së informimit, lirisë së shprehjes dhe cënim të fjalës së lirë.  

“Bllokimi i faqeve online të CNA, akt censure

KSHM shpreh shqetësimin e vet për sulmin e përsëritur në rrjetet sociale ndaj medias CNA.

Bllokimi i faqeve të çfarëdo medie, qoftë në ëeb, qoftë në rrjete sociale mund dhe duhet të bëhet VETËM me një vendim të prerë të gjykatave shqiptare.

Nëse publikut i bllokohet aksesi, pa vendim gjykate, përveç rasteve të parashikuara me ligj, përbën një shkelje të pastër të lirisë së informimit e lirisë së shprehjes dhe cënim të fjalës së lirë.  

KSHM i bën thirrje platformave të rrjeteve sociale të evitojnë bllokime të mediave, dhe sidomos pa një njoftim paraprak të të prekurve”, nënvizohet në deklaratë.

Më herët, edhe Asociacioni i Gazetarëve të Shqipërisë shprehu shqetësim për sulmin online ndaj mediave CNA.al dhe për serine e raportimeve në "Facebook" të gazetarit Elvi Fundo./ CNA

Këshilli Shqiptar i Medias, në mbështetje të CNA-së/





Lajmet e fundit nga