web counter
LEXO PA REKLAMA!

SHKARKO APP

App Store
Google Play

E fundit!

x

Balla, në aksion për zgjedhjet e 2025, takim me shqiptarët në Augsburg

30 Shtator 2024, 12:36, Aktualitet CNA

Balla, në aksion për zgjedhjet e 2025, takim me shqiptarët

Ministri i Shtetit për Marrëdhënien me Parlamentin, Taulant Balla, njëheresh dhe Drejtues Politik i Partisë Socialiste për Diasporën, ka nisur aksionin për zgjedhjet e vitit 2025.

Pa humbur kohë ai ka zhvilluar një takim me shqiptarët në Augsburg, në Gjermani.

Balla është shprehur se qeveria do të bëjë gjithçka për të mbështetur qendrat kulturore, për të mbështetur klasat e mësimit të gjuhës shqipe, në mënyrë që të ruajnë gjuhën shqipe.

“Është kënaqësi e veçantë të bëhemi të gjithë bashkë ‘Një Komb Një Diasporë’. Faleminderit për ftesën në këtë qendër të rëndësishme kulturore, e cila promovon vlerat më të mira të kombit shqiptar, promovon gjuhën shqipe, promovon letërsinë shqipe dhe pse jo dhe mbështet edhe djemtë dhe vajzat që duan të merren me sport. Unë e them shpesh, jo vetëm në këtë rast, por edhe në raste të tjera për shembull që Kombëtarja e futbollit e Shqipërisë është shembulli më i bukur se si djem nga të gjitha viset shqiptare bëhen bashkë për të ngritur lart flamurin tonë kombëtar, kështu që më pëlqen shumë që në këtë qendër që jemi sot, tek e cila djemtë dhe vajzat, fëmijët, mësojnë gjuhën shqipe, të mblidhemi dhe të lexohen poezi në gjuhën shqipe dhe të promovohet gjuha jonë e bukur shqipe. Isha dy ditë më parë në konsullatat tona po që janë në një godinë, konsullata e përgjithshme Republikës së Shqipërisë dhe konsullata e Përgjithshme Republikës së Kosovës. Dua të falënderoj të dy Konsujt për përkujdesjen që bëjnë për pjesëmarrjen e tyre në sa më shumë aktivitete. Edhe prezenca sot këtu është shumë domethënëse, kemi shqiptarë të Shqipërisë, Kosovës, Maqedonisë së Veriut dhe nga Presheva dhe kjo është diçka shumë e bukur që ajo që na mbledh është dashuria për kombin, dashuria për flamurin, dashuria për gjuhën shqipe. Unë dua t'ju garantoj në emër të qeverisë shqiptare që ne do të vazhdojnë të bëjmë gjithçka që duhet për t'i mbështetur këto qendra kulturore, për të mbështetur klasat e mësimit të gjuhës shqipe, sepse na duhet ta ruajmë brez pas brezi mësimin e gjuhës shqipe për të gjithë fëmijët shqiptarë”, theksoi ministri Balla./ CNA





Lajmet e fundit nga