web counter
LEXO PA REKLAMA!

SHKARKO APP

App Store
Google Play

Hetimi i inceneratorëve në SPAK/ Kush e mbron Lori Hoxhën?

29 Shtator 2024, 13:50, Aktualitet CNA
Hetimi i inceneratorëve në SPAK/ Kush e mbron Lori Hoxhën?
Foto ilustruese

SPAK-u po thellon hetimet për inceneratorin e Tiranës. Disa javë më parë mësuam se kishim të bënim edhe me një grup të strukturuar kriminal, ku ishin përfshirë dhe disa shtetas të huaj, personazhe të medies.

Në fakt, një drejtor që drejtonte televizionin “Top News” të Lori Hoxhës, e cila ka marrë dhe drejtimin e “Top Channel” prej më shumë se dy vitesh.

Lori Hoxha është po aq përfituese sa dhe nëna e saj, Vjollca Hoxha, në lidhje me çështjen e inceneratorëve. Janë fituar miliona euro, kompania e inceneratorit të Tiranës dhe Mirel Mërtiri kanë paguar me thasë me para “Top Channel”-in, ortakëri, disa biznese me nënën e saj, por dhe në biznese ku përfituese ka qenë Lori Hoxha.

Edhe pse Vjollca Hoxha u largua nga administratore dhe drejtimin e mori Lori Hoxha, bashkëpunimi vazhdoi, pagesat vazhduan. Me vajtjen e Lori Hoxhës në “Top Channel” u rikthye Endrit Habilaj në drejtimin e ”Top News”-it, i cili ishte larguar nga e ëma e saj, Vjollca Hoxha.

Hetimi i inceneratorëve në SPAK/ Kush e mbron Lori Hoxhën?
Lori dhe Vjollca Hoxha

Bashkëpunimi me inceneratorët vazhdoi dhe gjatë kohës që u shpall në kërkim dhe u dha urdhër-arresti për Endrit Habilajn, ky i fundit ishte drejtues në “Top Channel”, ishte dirigjenti kryesor. Mëkëmbësi i Mirel Mërtirit vazhdon të bashkëpunojë me Lori Hoxhën.

Lori Hoxha është një nga bashkëpunëtoret me njerëzit e aferës së inceneratorëve.

Përflitet shumë për takimet e saj në Vjenë me Mirel Mërtirin. Lori Hoxha u pagua në kompanitë e saj nga afera e inceneratorëve. Lori Hoxha ishte po aq ortake me Mirel Mërtirin sa dhe vetë nëna e saj.

Lori Hoxha ishte po aq përfituese sepse së bashku si familje morën rreth 2.1 milionë euro nga kompanitë e Mirel Mërtirit dhe Klodian Zotos dhe më pas për blerjen e 51% të aksioneve të “Lori Caffe” e njohur si “Valtelina kafe”, por më pas, edhe pse paratë u paguan kompania iu rikthye sërish Lorit dhe Vjollcës.

Roli i Vjollca Hoxhës, dihet, është thirrur disa herë në SPAK në lidhje me çështjen e inceneratorëve dhe burimet financiare. Justifikimet janë nga më të ndryshmet, biznes, tregti, shitje aksionesh, reklama e kështu me radhë. (LEXO KETU)

Por, të njëjtin rol ka dhe Lori Hoxha.  Ajo që nuk tregohet është fakti pse janë sulmuar prokurorët e SPAK-ut? Pse janë mbrojtur inceneratorët?

Në rast se do të ishin thjesht reklama nuk do të kishte asgjë të keqe, por janë dhjetëra emisione kundër prokurorëve të SPAK-ut, janë dhjetëra emisione në mbrojtje të inceneratorëve, janë dhjetëra miliona euro të marra.

Kjo nuk tregon thjesht dhe vetëm para reklamash kjo tregon bashkëpunimin me një grup të strukturuar kriminal ashtu siç është Endrit Habilaj, i cili në fakt ishte një drejtues, ishte një punonjës i “Top Channel”.

A mund të merrte dot vendim Endrit Habilaj se sa para do të merrte “Top Channel” nga kompania e inceneratorëve?

A mund të merrte dot vendim Endrit Habilaj, si dhe sa do të shitej “Lori Caffe” apo sa dhe si do të shitej një reklamë?

A mund të merrte vendim Endrit Habilaj se në sa kompani do t’i jepte lekët inceneratori i Tiranës, që nuk ekziston, pra Klodian Zoto dhe Mirel Mërtiri, “Top Channel”-it?

Në sa kompani të ndryshme do t’i ndante paratë, të cilat një pjesë ishin në emër të Endritit, por që kishin emrat “Top News”, gazeta “Shqip”.

Ndonjë prej tyre në bashkortakëri edhe me shefen e marketingut të “Top Channel”.

Pra nuk vendoste dot gazetari, drejtori sado bashkëpunëtor i afërt dhe mik me Mirel Mërtirin, se cila do të ishte marrëdhënia ekonomiko-financiare e Mirel Mërtirit me Vjollca dhe Lori Hoxhën.

Se si do ta përdorte “Top Channel”-in për interesat e tij për të sulmuar prokurorët e SPAK-ut, kundërshtarët politikë dhe për të mbrojtur aferën e inceneratorëve? Ky është fakt dhe askush nuk mund të fshihet.

Lori Hoxha është po aq përgjegjëse sa nëna e saj, pasi vazhdoi krimin duke rikthyer jo vetëm Endrit Habilajn, pagesat, por dhe shërbimin ndaj grupit të strukturuar kriminal të inceneratorëve, i cili tashmë është i provuar, jo në një, por në dhjetëra e dhjetëra raste, ama jo në 100 euro, por në miliona e miliona euro./ CNA

 





Lajmet e fundit nga