web counter
LEXO PA REKLAMA!

SHKARKO APP

App Store
Google Play

E fundit!

x

10 milionë euro për nëntë muaj/ Inceneratorët “thithin” paratë e buxhetit të shtetit

30 Shtator 2024, 07:44, Aktualitet CNA

10 milionë euro për nëntë muaj/ Inceneratorët

Pagesat për inceneratorin e Tiranës nga Drejtoria e Thesarit në Ministrinë e Financave ndaj kompanisë "Integrated Energy BV SPV" vijojnë.

Sipas të dhënave nga Open Data Albania buxheti 2024 pagoi ndaj "Integrated Energy BV SPV" një shumë prej 1,041,300,047 lekësh (10 milionë euro), për periudhën janar-shtator.

Për vetëm 40 ditë janë paguar 3 milionë euro të tjera, pasi për periudhën periudhë janar-korrik kompania e inceneratorit mori 7 milionë euro.

Të gjitha këto para paguhen për inceneratorin fantazmë të Tiranës, i cili u sekuestrua nga SPAK-u në gusht të vitit 2023.

SPAK-u theksonte se Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.

Sipas Prokurorisë së Posaçme, Zoto dhe Mërtiri janë personat që kanë udhëzuar dhe kanë marrë vendimet në lidhje me shoqërinë koncesionare të inceneratorit të Tiranës.

Ndërkohë që landfilli është në prag katastrofe ashtu siç dhe CNA ka publikuar pamjet ku shihet që i ka tejkaluar kapacitetet.

Pavarësisht nivelit të ulët të përpunimit të mbetjeve përmes djegies, shumat që shpenzohen nga buxheti për këtë incenerator janë të larta.

Sot që flasim plehrat kanë pushtuar kryeqytetin dhe kjo është pasqyruar me fakte dhe pamje nga CNA, e cila do të vazhdojë të denoncojë aferën që gllabëron miliona nga xhepat e taksapaguesve të varfër shqiptarë.

Por përveç Tiranës, inceneratori që nuk ekziston thith më shumë se gjysmën e buxhetit të Bashkisë së Durrësit.

Përveçse vjedhjes që u bëhet qytetarëve të Tiranës, të njëjtën barrë mbajnë mbi kurriz dhe qytetarët e Durrësit.

Menaxhimi i mbetjeve “gllabëron” rreth 40% të buxhetit të Bashkisë së Durrësit, një normë shumë herë më e lartë se bashkitë e tjera të vendit.

Kjo bashki është rast unik se gjysmën e buxhetit e shpenzon për pastrimin e plehrave dhe ndërkohë qyteti është i mbushur me plehra dhe këtë CNA e tregoi me fakte duke sjellë pamje se si plehrat kishin pushtuar rrugët kryesore në sezon turistik.

Bashkia e Durrësit lidhi kontratë me kompaninë “Integrated Energy BV SPV”, e cila menaxhon inceneratorin e Tiranës dhe që prej shtatorit 2021 i sjell mbetjet në Tiranë me një kosto prej 3500 lekësh/ton, pa TVSH./ CNA





Lajmet e fundit nga