web counter
LEXO PA REKLAMA!

SHKARKO APP

App Store
Google Play

E fundit!

x

Landfilli në prag katastrofe/ Qindra mijëra euro pagesa për inceneratorin fantazmë

14 Shtator 2024, 10:25, Aktualitet CNA

Landfilli në prag katastrofe/ Qindra mijëra euro pagesa për

Kompania e inceneratorit që nuk ekziston dhe që ndodhet në sekuestrim vijon të gllabërojë qindra milionë lekë nga buxheti i shtetit.

Ndërkohë që landfilli është në prag katastrofe ashtu siç dhe CNA ka publikuar pamjet ku shihet që i ka tejkaluar kapacitetet.

Pavarësisht nivelit të ulët të përpunimit të mbejtjeve përmes djegies, shumat që shpenzohen nga buxheti për këtë incenerator janë të larta.

Për vetëm 7 muaj, pra në periudhën Janar-Korrik janë dhënë nga buxheti i shtetit 700 milionë lekë si pagesa për Integrated Energy BV SPV, kompaninë që menaxhon inceneratorin.

Të dhënat e thesarit që u gjeneruan nga Open Data Albania tregojnë se që nga fillimi i vitit deri me datën 18 korrik ndaj inceneratorit që tashmë administrohet nga Agjencia e Pasurive të Sekuestruara janë kryer rreth 36 transaksione me një shumë që kalon 6.9 milionë eurosh.

Kjo vlerë përfaqëson pagesat nga bashkitë e Tiranës, Kamzës, Durrësit dhe Kavajës për transportin e mbetjeve në landfillin e Sharrës.

Ndërkohë nga ana tjetër qytetarët vijojnë të paguajnë për një incenerator që nuk ekziston rreth 30 milionë euro në vit dhe shërbim nuk marrin.

Sot që flasim plehrat kanë pushtuar kryeqytetin dhe kjo është pasqyruar me fakte dhe pamje CNA, e cila do të vazhdojë të denoncojë aferën që gllabëron miliona nga xhepat e taksapaguesve të varfër shqiptarë./ CNA





Lajmet e fundit nga