E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Fotovoltaikët, ERE nis procedurat për licencimin e 4 impianteve me kapacitet 8 MW

13 Shtator 2024, 10:52, Aktualitet CNA

Fotovoltaikët, ERE nis procedurat për licencimin e 4 impianteve me

Foto ilustruese

Katër impiante fotovoltaike me kapacitet secili nga 2 MW kanë kërkuar licencimin pranë Entit Rregullator të Energjisë sa i takon prodhimit të energjisë elektrike.

Në mbledhjen e fundit Enti vendosi fillimin e procedurave për secilin prej impianteve të vendosura të gjithë në zonën e Fierit ku në fakt është përqendruar një pjesë e mirë e investimeve në energjinë diellore.

Konkretisht Bordi i ERE-s vendosi:

– të fillojë procedurën për licencimin e shoqërisë “REBESOL” sh.p.k., në veprimtarinë e prodhimit të energjisë elektrike, nga centrali fotovoltaik me kapacitet të instaluar 2 MW, në Fshatin Grykë, Njësia Administrative Topojë, Bashkia Fier, Qarku Fier.

– të fillojë procedurën për licencimin e shoqërisë “PARISOL” sh.p.k., në veprimtarinë e prodhimit të energjisë elektrike, nga centrali fotovoltaik me kapacitet të instaluar 2 MW, në Fshatin Grykë, Njësia Administrative Topojë, Bashkia Fier, Qarku Fier.

– të fillojë procedurën për licencimin e shoqërisë “SAMASOL” sh.p.k. në veprimtarinë e prodhimit të energjisë elektrike nga centrali fotovoltaik me kapacitet të instaluar 2 MW, në fshatin Grykë, Njësia Administrative Topojë Bashkia Fier, Qarku Fier.

– të fillojë procedurën për licencimin e shoqërisë “ZENINA” sh.p.k. në veprimtarinë e prodhimit të energjisë elektrike nga centrali fotovoltaik me kapacitet të instaluar 2 MW, në fshatin Grykë, Njësia Administrative Topojë Bashkia Fier, Qarku Fier.

Impiantet fotovoltaike me kapacitet të instaluar deri në 2 MW u nxitën nga qeveria vite më parë si një formë investimi ku subjekteve u ofrohej blerja e energjisë sipas një tarife që përllogaritet çdo vit nga ana e Entit. Aktualisht çmimi për energjinë që prodhohet nga këto impiante është 95.04 euro sipas vendimit të 22 shkurtit të këtij viti.

Tendenca e investimeve në fotovoltaikë ka vijuar të mbetet konstante që pas rritjes që pësoi si efekt i krizës së energjisë.

Gjithsesi, prodhimi nga ky segment vijon të mbetet ende modest në raport me energjinë totale që prodhohet në vend dhe që ka në bazë burimet hidrike. Në vitin 2023 hynë në prodhim impiante me kapacitet 18MW kurse në total energjia fotovoltaike nga këto impiante zinte 0.4 % të prodhimit total vendas të energjisë elektrike./ Monitor.al