web counter
LEXO PA REKLAMA!

SHKARKO APP

App Store
Google Play

Faktet/ Fytyra e vërtetë e Veliajt, Tirana, qyteti më i ndotur në Europë

12 Shtator 2024, 19:58, Aktualitet CNA
Faktet/ Fytyra e vërtetë e Veliajt, Tirana, qyteti më i ndotur
Erion Veliaj

Tirana është qyteti më i ndotur në Europë. Numrat tregojnë se kryeqyteti është në vijë të kuqe sa i përket ndotjes së mjedisit dhe kjo situatë ngre alarmin për rrezikun që u kanoset qytetarëve.

Faktet flasin vetë, jo vetëm plehrat, polenat, ajri i ndotur, flasin përtej propagandës, politikës akuzave dhe kundërakuzave apo asaj që pretendon kryebashkiaku i Tiranës Erion Veliaj se sulmohet në mënyrë të padrejtë, se Tirana është qytet i pastër.

Faktet/ Fytyra e vërtetë e Veliajt, Tirana, qyteti më i ndotur

Para një jave na tha se ishte një nga vendet më të mira në Europë për mbjelljen e pemëve. Si ka mundësi, vendi me shumë pemë dhe Tirana ka ajrin më të ndotur me polena dhe problematika?

Plehrat nuk pastrohen.  Sot CNA ka shkuar, i ka verifikuar vetë me video, me kamera i kemi treguar se si plehrat nuk janë hequr në një vend të Tiranës pasi u denoncua më parë nga drejtuesi politik i PD-së për Tiranën, Belind Këlliçi.

Këtë do ta bëjmë çdo ditë për të treguar se çdo ditë Tirana është e mbuluar nga plehrat në çdo pëllëmbë të saj.

Megjithëse janë paguar për pastrimin e qytetit gati rreth 20 milionë euro në vit pa folur për inceneratorin që mungon dhe që janë zhdukur 130 milionë euro.

Dhe për këtë nuk mban asnjë përgjegjësi Erion Veliaj. Ai nuk e di fare që Tirana është qyteti me ajrin më të ndodtur në Europë. Ai nuk e di fare që inceneratori nuk ekziston. Ai nuk e di fare që Tirana nuk pastrohet.

Çdo ditë më shumë që Erion Veliaj rri në karrigen e tij, kryeqyteti thjesht bëhet më i pistë, ajri i tij është më i ndotur dhe thjeshtë ka më shumë korrupsion dhe Tirana, me fakte, sipas aplikacionit, “The Weather Channel”, ku mund të klikoni dhe ta shikoni të gjithë, është qyteti më i ndotur i Europës me kryebashkiakun më të ndotur ndoshta në botë./ CNA





Lajmet e fundit nga