web counter
LEXO PA REKLAMA!

SHKARKO APP

App Store
Google Play

E fundit!

x

“Burime epidemie”/ Këlliçi publikon pamjet tronditëse të plehrave në kryeqytet

12 Shtator 2024, 16:53, Aktualitet CNA

“Burime epidemie”/ Këlliçi publikon pamjet

Drejtuesi politik i PD-së për Tiranën, Belind Këlliçi vijon të publikojë pamje tronditëse të plehrave të shpërndara kudo nëpër kryeqytet.

Ditën e sotme, Këlliçi ka ndarë disa pamje nga njësia numër 9, ku shihen gjithandej mbeturina, pranë një zone në ndërtim, kantieri i së cilës është kthyer në kosh të madh plehrash.

Kjo situatë, shkruan Këlliçi është një burim epidemie në zemër të qytetit.

“Tani falë kujdesit të bashkisë edhe vetë banorët i hedhin këtu plehrat, pasi nuk kanë kosha në zonë. Kreu i 5D dhe pronari faktik i inceneratorit Tiranë, tashmë është kthyer në një barrë të madhe për çdo kryeqytetas”, shkruan ai në rrjetet sociale.

“Pamje tronditëse nga kryeqyteti europian i ‘pastërtisë’!  Këtu jemi tek Njësia Bashkiake nr.9, rruga ‘Sulejman Pasha’!!!

Ky pallat ka mbi 20 vite në ndërtim e sipër dhe nuk mbaron kurrë! Zgjidhja e bashkisë Tiranë është kthimi i këtij kantieri në një kosh të madh plehrash dhe burim epidemie në zemër të qytetit!”, thekson Belind Këlliçi.

Ndër të tjera ai iu bën thirrje qytetarëve të bashkohen në protestën që do të zhvillohet nesër në orën 11:00 para Bashkisë së Tiranës.

“Tani falë kujdesit të bashkisë edhe vetë banorët i hedhin këtu plehrat, pasi nuk kanë kosha në zonë. Kreu i 5D dhe pronari faktik i inceneratorit Tiranë, tashmë është kthyer në një barrë të madhe për çdo kryeqytetas!

Ndaj ju ftoj nesër, datë 13 shtator, ora 11:00, sërish në protestën e rradhës para selisë së 5D! Ta shpëtojmë Tiranën një orë e më parë nga korrupsioni i shfrenuar i Grupit të Strukturuar Kriminal që ka mbërthyer qytetin tonë! O sot, o kurrë” , shkruan Këlliçi./ CNA





Lajmet e fundit nga