web counter
LEXO PA REKLAMA!

SHKARKO APP

App Store
Google Play

E fundit!

x

Presidenti izraelit, me superlativa për Ramën/ “Jeni në anën e duhur të historisë”

12 Shtator 2024, 14:31, Aktualitet CNA
Presidenti izraelit, me superlativa për Ramën/ “Jeni në
Isaac Herzog dhe Edi Rama

Presidenti i Izraelit, Isaac Herzog, në një konferencë për shtyp nga Tirana me kreun e qeverisë, foli me superlativa për kryeministrin Edi Rama.

Herzog e cilësoi Ramën si një mik, ndërsa deklaroi se Shqipëria është radhitur në anën e duhur të historisë.

Ai përmendi edhe faktin se shqipëria ka strehuar hebrenjtë gjatë Holokaustit.

 “Dua t’ju falenderoj për mikpritjen, është domethënëse të jem mes miqsh në këtë kohë kaq të dhimbshme për Izraelin. Po i afrohemi prej 1 viti që prej kur Hamasi sulmoi në mënyrë brutale Izraelin, kur mijëra terroristë hynë në vendin tonë, vranë egërsisht mijëra dhe rrëmbyen qindra izraelitë dhe të huaj në Gaza. Që prej asaj dite të errët në tetor, Shqipëria është vendosur në mënyrë të palëkundur, është radhitur në anën e duhur të historinë.

I dashur kryeministër, vendi juaj ka treguar edhe njëherë që qëndron krah popullit izraelit, ndërkohë që ne luftojmë të mbrojmë popullin dhe kufirin tonë, veçanërisht për ëndrrën për të sjellë paqen midis nesh, që të gjithë në rajon të jetojmë në paqe. Për fat të keq po luftojmë në të njëjtin kohë më shumë sesa një armik terrorist. Hija e gjakut që lidh të gjithë agjentët e urrejtjes është Irani dhe fiksimi i tij me shkatërrimin e shtetit izraelit. Këtu e dini mjaft mirë këtë regjim. Shqiptarët dhe hebrejntë ndajnë një histori të gjatë e domethënëse”, theksoi presidenti izraelit./ CNA





Lajmet e fundit nga