web counter
LEXO PA REKLAMA!

SHKARKO APP

App Store
Google Play

Dizdari denoncon skandalin tjetër me mbetjet toksike/ “Mund të kthehet në një bombë ekologjike”

11 Shtator 2024, 15:23, Aktualitet CNA

Dizdari denoncon skandalin tjetër me mbetjet toksike/ “Mund të

Anëtarja e Këshillit Kombëtar të PD-së, Fjoralba Dizdari ka denoncuar një tjetër skandal me mbetjet toksike.

Në një deklaratë për mediat, Dizdari ka bërë me dije se që prej vitit 2015 e vetmja qendër grumbullimi për trajtimin e kimikateve të rrezikshme ndodhet në fshatin Balëz e Poshtme, në qytetin e Elbasanit.

Dizdari ka deklaruar se kjo qendër është në kundërshtim me standardet e BE-së.

Anëtarja e Këshillit ngre alarmin se ajo mund të kthehet në një bombë ekologjike me pasoja të rënda.

Kjo është një aferë korruptive, e cila përfshin shume Institucione njëherazi.

“Që prej vitit 2015 e vetmja qendër për grumbullimin dhe trajtimin e kimikateve të rrezikshme ndodhet në fshatin “Balëz e Poshtme”, në qytetin e Elbasanit.

A janë marrë të gjitha masat që te sigurohet jeta dhe shëndeti i banorëve të zonave përreth?

Kjo qendër është në kundërshtim me standardet e BE-së, ndërkohë që ne ngremë alarmin se ajo mund të kthehet në një bombë ekologjike me pasoja të rënda, jo vetëm për zonën.

Referuar aktit të “Politikave Strategjike dhe Planit Kombëtar për Menaxhimin e Integruar të Mbetjeve, 2020  –  2035”, botuar në Fletoren Zyrtare, më 27 maj 2020, qeveria shqiptare pranon zyrtarisht dështimin. Ja çfarë thotë dokumenti:

“… Për menaxhimin e mbetjeve të rrezikshme në Shqipëri nuk ekziston infrastruktura bazë. Për më tepër nuk ekzistojnë të dhëna mbi sasinë dhe rrymat e mbetjeve. Vendet për ndërtimin e objekteve për menaxhimin e mbetjeve të rrezikshme apo të qendrave pritëse nuk janë përcaktuar ende në asnjë rajon apo qytet të vendit …..”

Kjo është një aferë korruptive, e cila përfshin shume Institucione njëherazi.

Partia Demokratike ngre alarmin, se situata e mbetjeve është një emergjencë kombëtare, prandaj ftojmë qytetarët të bashkohen kundra qeverisjes së dështuar dhe korruptuar të Edi Ramës dhe të ndalim katastrofën mjedisore në emër të brezave të ardhshëm", është shprehur Dizdari./ CNA





Lajmet e fundit nga