web counter
LEXO PA REKLAMA!

SHKARKO APP

App Store
Google Play

Berisha, nesër në SPAK/ Genc Gjokutaj: Do i komunikojnë akuzën, marrëzia e shekullit

10 Shtator 2024, 22:14, Aktualitet CNA
Berisha, nesër në SPAK/ Genc Gjokutaj: Do i komunikojnë
Avokati i kreut të PD, Sali Berisha, Genc Gjokutaj

Avokati i kreut të PD, Sali Berisha, Genc Gjokutaj ka folur për thirrjen në SPAK të ish-kryeministrit.

I ftuar në emisinonin e gazetarit Adi Krasta, Gjokutaj tha se ditën e nesërme pritet t’i komunikohet akuza Berishës.

Sipas avokatit, mbrojtjes nuk i janë vënë në dispozicion shumë akte dhe prova, që Prokuroria e Posaçme pretendon se i posedon.

Ai shprehet se nuk ka asnjë provë ndaj Berishës dhe pretendon se është një proces politik dhe po përfundon si i tillë.

Gjokutaj tha se thirrja e Berishës për t’i komunikuar akuzën është marrëzia e shekullit.

“Ka zero prova ndaj Berishës, nuk përmendet emri i Berishës në 4 dirigjenca. Zero fjalë për Berishën. Kam të drejtë të pretendoj dhe unë jam i bindur se ky proces nisi si politik dhe po përfundon si politik. Filloi shurdh e po përfundon memec.

Fletë-thirrja e SPAK, ka cituar dispozita e nenit 34, 38, 39, komunikimi i akuzës dhe marrjen si të pandehur e shqyrtimin në themel të çështje. Na ftojnë që t’i konsumojnë, Me gjasë nesër do t’i kryejnë këto veprime. S’jemi në dijeni të shumë akteve dhe provave, Berisha është thirrur për t’i komunikuar akuzën. Është marrëzia juridike e shekullit. S’është përmundur në asnë rresht emri i Berishës. Do dekriptojmë më shumë se si do të shkojë situata e Berishës në Gjykatë për gjithë procesin, u shpreh Gjokutaj./ CNA





Lajmet e fundit nga