web counter
LEXO PA REKLAMA!

SHKARKO APP

App Store
Google Play

E fundit!

x

"Drejtuesit e PS dhe PD në qarqe përdorin krimin për vota"/ Lapaj: Kukulla të sistemit të Ramës

10 Shtator 2024, 21:19, Aktualitet CNA
"Drejtuesit e PS dhe PD në qarqe përdorin krimin për
Adriatik Lapaj

Themeluesi i lëvizjes "Shqipëria Bëhet" Adriatik Lapaj në një dalje televizive është shprehur se drejtuesit e PS dhe PD-së në qarqe përdorin krimin për të blerë vota.

Sipas Lapajt janë kukulla të një sistemi që përdoret nga Rama.

“Ne kemi një vit që kemi nisur fushatën. Po bëjmë takime në Tiranë, rrethe dhe në diasporë. Raporti ynë është me qytetarët, sepse ata mund të përmbysin qeverinë. Kjo konjekturë tregon dy anë të së njëjtës medalje.

Këtu ka njerëz shumë të pasur, që ‘punojnë’ paratë e politikanëve. Drejtuesit e PS dhe të PD në qarqe përdorin krimin për të blerë vota. Këta janë kukulla të një sistemi, që drejtohet nga Rama. Edi Rama drejton një ekip gjarpërinjsh, që duan të pijnë gjakun e shqiptarëve. Ne jemi këtu për të përfaqësuar shqiptarët e ndershëm. Edhe administrata duhet të na votojë. Kjo sepse ne flasim për parime, për punonjës që janë larg nga politika. Ne jemi për të ndërtuar një model ndryshe. Nëse prek zemrën e njerëzve, asgjë nuk të ndal pastaj. Do ta çajmë sistemin e bandave, që bëjnë sikur bëjnë sherre”, tha Lapaj.

Më tej shprehet se në zgjedhjet e 2025 lëvizja e tij mund të ketë një rezultat surprizë.

“Në zgjedhjet e 2025 kam besim të pafund. Do të kemi rezultat surprizë në zgjedhjet e 2025. Fitorja më e madhe e shqiptarëve në këto zgjedhje do të ishte çarja e sistemit”, ka deklaruar ai./ CNA





Lajmet e fundit nga